تفاصيل صادمة.. إنجي المقدم تكشف تعرضها لـ التحرش وأزمتها النفسية

كشفت الفنانة إنجي المقدم، سر صادم عن تعرضها للتحرش وهي في سن الـ 16، مؤكدة أنها كي تتعالج من ذلك الحدث تذهب دائمًا إلى الطبيب النفسي.

تعرض إنجي المقدم لـ التحرش

وقالت إنجي المقدم خلال استضافتها في برنامج حبر سري تقديم الإعلامية أسما إبراهيم:  "روحت لدكتور نفسي قبل كده وده مفيهاش اي حاجه تكسف والمرض النفسي زيه زي اي تعب وبسبب تعب نفسي ممكن يجيلك أمراض، وأنا بحب افهم نفسي واشتغل على نفسي ولو عندي مشكله أو عقدة افهمها واتعامل معاها".

وأضافت: "روحت لكذا دكتور عشان كنت بمر بفترة صعبة وتايهة ومحبطة وحاسه ان عندي مشكله ومش عارفه ايه هي وكنت محتاجه حد يساعدني وكنت حابه تطوير نفسي ومبقاش حاسه نفسي مزنوقة جوا حالي".

تصريحات إنجي المقدم 

وتابعت عن تعرضها للتحرش في سن صغير: "تجربة التحرش في 16 سنة أثرت جوايا وعندنا حاجات في العقل الباطن وبتتخزن وبنعمل نفسنا مش واخدين بالنا بس بتطلع في أوقات وتتصرفي تصرفات غريبة".

واستكملت:" ده اثر عليا بس انا بشتغل على ده وبتصالح مع نفسي عشان اقدر اعيش، قولت لأهلي لما حصلي تحرش وكانت صدمة كبيرة بس أهلي كانوا في ضهري بس الشغل على الأثر النفسي مشتغلناش عليه بس الجيل واهلنا مكنش عندهم الوعي".

واختتمت: "كان في موقف من أهلي بس الموقف عدى ومفيش حد اشتغل على الأثر النفسي ومؤخرا بتعامل معاه".

أول عمل فني لـ إنجي المقدم

أول عمل شاركت فيه الفنانة إنجي المقدم كان مسلسل الست كوم أحمد اتجوز منى، ثم الدكتورة ليلى في مسلسل لحظات حرجة، وروت تجربتها قائلة إنها لم تقدم أفضل ما عندها في تجربة الٓأداء وطلبت إعادة المحاولة ونجحت، أول لوكيشن لإنجي المقدم كان في مسلسل أحمد اتجوز منى داخل مكان مخصص بقاعة المؤتمرات وأول مشاهدها كان مع أحمد فلوكس.