عجزتها زي ما عجزتني..المنتج أحمد الزواوي عن فيفي عبده: لو طولتها هموتها

اشتعلت الأزمة بين المنتج أحمد الزواوي والفنانة فيفي عبده، حيث اعترف أنه هو المتسبب في متاعبها التي مرت بها الفترة الماضية، خلال لقائه في برنامج «قعدة ستات»، تقديم الإعلامية مروة صبري.

تصريحات أحمد الزواوي

واعترف أحمد الزواوي: «والله العظيم أنا سبب اللي فيفي عبده فيه دلوقتي، ولا أخشى في الله لومة لائم، ولا أخاف من حد نهائي لا بشر ولا غير بشر، إلا ربنا فقط».

أحمد الزواوي يتوعد لـ فيفي عبده 

وأضاف: «ربنا قال وما ظلمناهم ولكن كانوا أنفسهم يظلمون، وأنا طلبت حقي بالقانون والأصول، وبعدها آذيتها زي ما آذتني، ولو طولتها هموتها، عليها نص مليون جنيه بتوعي في 2017، كانوا كل ما أملك وتحويشة العمر، ضيعت مستقبلي».

وتابع: «في ناس بتقتل وأنا مقتلتش، أنا بتعامل بالقانون الإلهي الجزاء من جنس العمل، وعجزتها زي ما عجزتني»