نجوى فؤاد لـ مصر الآن: مهزلة لما واحد لابسلي ترتر طالع يقول مش عاوز رقصات معايا في الكليبات

تحدثت الفنانة القديرة نجوى فؤاد، عن استيائها ورفضها التام لكل ما يحدث حاليا، على الساحة الفنية؛ حيث أكدت أن الراقصات الأجنبيات المتواجدات في مصر، يسيئن لسمعة الرقص الشرقي.

وأضافت خلال تصريحات خاصة عبر مصر الآن: واحد لابسلي ترتر، طالع يقول أنا مش عاوز راقصات معايا في الشغل ولا الكليبات، على أيامنا كانت أغانيه بنسميها نكتة ومنحبش نسمعها.

وكان رواد التواصل الاجتماعي، قد تداولوا خلال الساعات الماضية، أنباء تفيد باعتزال الفنانة نجوى فؤاد للفن بشكل تام، الأمر الذي أثار جدلا كبيرا بين صفوف جمهورها.

وقالت نجوى خلال تصريحات خاصة سابقة عبر مصر الآن:  معتزلتش ولو حصل هعمل مؤتمر أحكي فيه مشواري اللي كله عذاب، وفرح ونجاح وكل حاجة اتعرضت لها.

وأضافت: وبعدين هعتزل ليه، منا بمثل لسة والحمدلله في طريقي للشفاء من المرض، أما بالنسبة للرقص فاللي بيحصل كارثة بكل المقاييس، اللي البنات الأجانب بيعملوه حاليا في مصر حرام.

وتابعت: الرقص تاريخنا من 7000 سنة والفراعنة رقصوا في الجنازات، كمان لما هما بيرقصوا بالطريقة دي بيخلوا تامر أمين وغيره يطلعوا يهاجموا الرقص.

واختتمت:  الرقص على أيامنا كان راقي وبنلبس بدل كات بتغطي السره، كنا بنشتغل كترجمة للموسيقى بحركات.. والحركة.. وهي أساس تاريخنا الديني، قابيل دفن أخوه هابيل بالحركة بتاعة الغراب.