محمد هنيدي: بهزر مع الفولورز بتوعي علشان الحياة متكونش مملة

أعرب الفنان محمد هنيدي، عن سعادته بكثرة أعداد متابعيه على مواقع التواصل الاجتماعي، مشيرًا إلى أن السبب في ذلك يعود لكرم رب العالمين وحب الجمهور له.

ووجه معتز الدمرداش سؤالًا إلى محمد هنيدي خلال استضافته في برنامج ضيفي عبر قناة الشرق، قائلا: عندك ملايين المتابعين على مواقع التواصل الاجتماعي فيس بوك وتويتر وإنستجرام، وكنت قاعد مع تيم الإعداد فقعدنا نحسب ومش بنقر عليك، ولقينا المجمل عندك 50 مليون متابع فده معناه إيه؟.

من ناحيته رد هنيدي قائلا: ده معناه كرم رب العالمين والله العظيم، وربنا حبب الناس فيا، وبيساندني وأنت بتتعب طول الوقت علشانهم وعلشان ذوقهم ورأيهم في نفس الوقت دي نوافذ بتكلم من خلالها وأجمل حاجة تتكلم من خلالها مع الناس إنك تشتغل لهم.

كما مازح معتز الدمرداش هنيدي قائلا: أنت مشاكس وبتحب تنكش، ليرد هنيدي: علشان الحياة ما تكونش رتيبة، هو إحنا هنقعد طول الوقت نرد على بعض باستظراف ولطافة، وفي النهاية مش بتتعدى حدود المشاكسة والهزار والود والصداقة وعدم تدخل في شئون الآخرين، وبتبسط مع الناس.