رانيا فريد شوقي: والدي ورفض دخولي الفن.. ومفيش حد يقدر يجسد سيرته

حرصت الفنانة رانيا فريد شوقي على إحياء ذكرى والدها الفنان الراحل فريد شوقي، حيث قالت خلال مداخله هاتفية لـ برنامج الستات مايعرفوش يكدبوا: "ساعات بحمد ربنا إن هو مش موجود، عشان ميشفش الحالة اللي موجودة حاليًا، لأن مفهومه عن الفن كان مختلف كان مفهومه لازم أخدم المجتمع وأقدم رسالة".

تصريحات رانيا فريد شوقي 

وأضافت: "السينما أكبر مما يحدث حاليًا هي مش أكشن بس، السينما يعني جعلوني مجرمًا وكلمة شرف وبالوالدين احسانا، وكان كاتب مسلسل روبابكيا وملحقش يعمله وقدم الدور الفنان فؤاد المهندس، وكان بيحضر فيلم هو ومحمد هنيدي وكان دايما عنده أفكار وكان عنده فيلم لأحمد زكي".

واستكملت رانيا حديثها: "فريد شوقي قدم نجوم كتير ما بين إنتاج وإخراج وتأليف، وأنا بقول فريد شوقي مؤسسة". 

أوضحت رانيا فريد شوقي: "أنا الوحيدة اللي اخترت التمثيل ما بين أخواتي، وهو كان رافض الفن؛ لأنها مهنة مهلكة وكان خايف تسرقني وملحقش اتجوز واخلف".

وعن رأيها في تقديم سيرته الذاتية في عمل فني: "وهو على فراش الموت كان بيقول في أدوار لسه معملتهاش وكان حبه للفن ملوش حدود، ومش شايفة حد من الموجودين يقدر يجسد سيرة والدي، وفريد شوقي له كاريزما خاصة والهيكل الجسماني مختلف وعشان كده لقب بملك الترسو".