سخرية من مجاميع طلاب الثانوية: أصعب من تخفيف أحمال الكهرباء.. كلها وحشة

شغلت مجاميع الطلاب في نتيجة الثانوية العامة هذا العام، التي تم تسريبها قبل الإعلان الرسمي لها، بال العديد من نشطاء مواقع التواصل الاجتماعي، الذين أشاروا إلى أن مجاميع هذا العام منخفضة وليست عالية، كما كانت في مجاميع الأعوام السابقة.

 أثارت مجاميع طلاب الثانوية العامة هذا العام، اندهاش النشطاء، وخاصة أن نسبة كبيرة من الطلاب لم يحصلوا على مجاميع تزيد عن 90%، بخلاف السنين الماضية، التي كانت مجاميع طلاب الثانوية العامة مرتفعة.    

علق محمد الشبراوي على مجاميع الطلاب في نتيجة الثانوية العامة هذا العام فقال: "هي فعلا دي النتيجة فعلا ولا ايه بالظبط عشان في مجاميع ضعيفة للناس حلت كويس وراجعت الامتحان بعد ما خلصو ايه دا... #الثانوية_العامة"

أما شيماء جمال جمال فقالت عن مجاميع طلاب الثانوية، التي جاءت في نتيجة الثانوية العامة هذا العام: "كنت في التلات سنين بتوع الثانويه العامه باخد أنجلش عند مستر وليد عباس كان مدرس مشوفتش زيه بجد كان مرة بيتكلم علي النظام الجديد علشان احنا كنا اخر دفعه في النظام القديم قالنا... انتوا هتبقوا في الجامعة وتسمعوا مجاميع الثانوية العامة عبارة عن درجات حرارة وقد كان فعلا".

أما سارة فقالت عن مجاميع الطلاب في الثانوية العامة: "من ساعة ما بقت معظم مجاميع الثانوية العامة مش بتتعدى الـ90% ومبقاش فيه بركة.."

وقال رضا السمالوسي "مجاميع الثانوية أصعب من تخفيف أحمال الكهرباء #نتيجةالثانويهالعامه"

في حين علق منير على طلاب مجاميع الثانوية العامة قائلًا: "مجاميع الثانويه العامة السنة دي متجيش علبه LM"

وقال محمد رشدي: "مجاميع الثانوية العامة في بلدنا بتبدأ من 94"

أما سها علي فقالت: "الشريحة الأكبر التي حصلت على مجاميع بنتيجة الثانوية تتراوح بين 50% إلى 65% تليها الشريحة من 70% إلى 80% ولكن الأقل هي التي حصلت على 95% فأكثر."

وقالت إيمان فكري: "مجاميع السنة دي مجاميع ضعيفة بالتالي التنسيق هيكون منخفض الاهم من ده كله ربنا يثلج قلوب أولياء الأمور ويراضيهم باللي اتكتب لكل طالب"

في حين قال أحمد علي: "مجاميع الثانوية العامة اغلبها. نازلة الطب ممكن ينزل من 89"

وعلق عبد الله مسعود قائلًا: "المجاميع كلها وحشة علي مستوي الجمهورية ارضي بنصيبك وركز في اللي جاي وربنا هيكرمك أخر كرم والطريق اللي ربنا راسمهولك احسن بكتير من الطريق الي انت كنت راسمه لنفسك وعن تجربه شخصية والله احمد ربنا وبص لقدام ما تقفش هنا".