مرتضى منصور: أعلن رحيلي عن الزمالك واستقالتي من أي منصب بالنادي

أعلن مرتضى منصور رحيله عن أي منصب إداري في نادي الزمالك، بعد ما قدمه إلى النادي وجماهير الفريق خلال الفترة الماضية.

رحيل مرتضى منصور عن نادي الزمالك

وظهر المستشار مرتضى منصور، عبر حسابة على موقع اليوتيوب، في فيديو مصور وكشف عن قراره بالرحيل من منصبه داخل نادي الزمالك بشكل نهائي.

وقال مرتضى منصور، عشان تجيب بطولات لازم يكون عندك  لاعيبة، الجمهور عاوز بطولات مش فارق معاه مرتضى منصور أو ممدوح عباس.

واضاف: الخناقة إللي بيني وبينك خلصت، أرفع الحجز عن نادي الزمالك، خلي الزمالك يرجع كبير تاني، أمير مشي ومش عاوز يرجع وأحمد هيمشي.

وأكد مرتضى منصور، أنا خارج المشهد، وأرفع الحجز، وسايب النادي فيه 21 مليون جنيه، وابعتوا المحاسبين ويراجعوا الحسابات، وبشكر كل اللاعبين الأبطال، وعلى رأسهم شيكابالا.

وواصل حديثه قائلاً، كنت عاوز من شيكابالا لما يتكلم يكمل كلامه ويقول إن المشاكل إلى في نادي الزمالك، بسبب ممدوح عباس، وفلوس كهربا هتسدد وتساعد الزمالك على دفع الفلوس للاعبين.

وأختتم المستشار مرتضى منصور حديثه، أنا شايف كيان النادي بينهار، بسبب واحد داخل خناقة انا مش طرف فيها، حاجز على النادي اللي بيحبه، عشان مرتضى منصور، وانا اهو خارج النادي، واتصرفت في فلوس عشان أقيد اللاعبين في القائمة الأولى.