الأهلي يغرم أحمد عبدالقادر بعد أزمة السوشيال ميديا
كشفت تقارير صحفية على توقيع النادي الأهلي غرامه مالية على أحمد عبدالقادر لاعب الفريق الأول لكرة القدم بالنادي، بسبب الأزمة الأخيرة التي حدثت بين اللاعب وبعض الجماهير على مواقع التواصل الاجتماعي.
وأشارت التقارير أن مسؤولي النادي الأهلي تواصلوا مع اللاعب وطالبوه بمسح كافة التجاوزات التي قام بها تجاه الجماهير واتهامه المباشر لصفحات جماهيرية بأنهم يتقاضون أموالا من اللاعبين.
وقرر مسؤولو الأهلي توقيع غرامه مالية على اللاعب على ما قام به وطالبوه بإنهاء الأمر والاستمتاع بفترة إجازته قبل العودة للتدريبات استعدادًا للموسم الجديد.
وفي سياق متصل، شن أحمد عبد القادر، لاعب النادي الأهلي، هجوم على بعض صفحات السوشيال ميديا، بعد الهجوم التي تعرض له من بعض الصفحات خلال الساعات القليلة الماضية.
وكانت بعض الصفحات قد نشرت منشورا انتقدت فيه طريقة رد عبد القادر على مشجعيه عبر حسابه على موقع التواصل الاجتماعي"إنستجرام".
وجاء رد أحمد عبد القادر عبر صفحته الشخصية على موقع التواصل الاجتماعي فيس بوك كالآتي: جمهور الأهلي أكبر منكم يا شوية هايفين سواء الأهلي اليوم أو ماجيكانو ياللي بتقبضوا الفلوس علشان تعلوا ده وتوطوا ده، أنا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه
واضاف عبدالقادر: جو الأدمن بتاعكوا والفلوس اللي بتتوزع عليكوا وقدام عيني وحد عرض عليا أعمل حملات هجص ولقطة وهنعليك وهنخليك في السما دا مش عندي.
وتابع: أنا ربنا بيكرمني علشان أنا عارف انا بتعب ازاي وهفضل طول عمري شريف مش بتاع ألف وألفين جنيه أبيع بيهم كرامتي فبلاش انتوا علشان انتوا لا تمسو للنادي الأهلي باي شيء.
وواصل: النادي الأهلي أكبر نادي في العالم مش في مصر فا اللي انتوا عاوزينو ده مبعملوش والأجازه يا أنا يصفحاتكوا اللي كلها نفاق ورشاوي وبقولها لآخر مره انا بتاع شغل مش بتاع رشاوي وبعدين لقطه ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كامله واكتر ويشتم اهلك تقولي رد في الملعب.
واختتم منشوره: لما ترد يقولك متركزش معاهم مين قال إنهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه على طول بس انا اللي هنزله صباح الفل وجمعه مباركه.
