"بلاش لعب على مشاعر الجماهير".. محامي كهربا يفتح النار على مرتضى منصور

رد أشرف عبد العزيز محامي محمود كهربا لاعب الفريق الأول لكرة القدم بالنادي الأهلي، على ما زعمه مرتضى منصور رئيس نادي الزمالك المعزول، بأن عقد كهربا مع الأبيض مزور وأن الغرامة تضامنية مع أفيش البرتغالي.

 محامي كهربا يفتح النار على مرتضى منصور 

وكتب أشرف عبد العزيز عبر صفحته على موقع التواصل الإجتماعي "فيسبوك": "رداً علي مرتضي منصور.. سمعتك وهرد عليك في نقاط مختصرة وبطريقتك وعايز أقولك".

وتابع: "1- القضية اللي انت بتتكلم عليها انا مش هاقول الاسماء عشان انا محامي أعرف أصول مهنتي (أتعلمنا كده في أولي حقوق ) ان ده اسرار موكلين لا يجوز ابداً اني ارد عليك علي السوشيال ميديا بس انا كسبتها منك وانت اللي كلمتني عشان الصلح انت فاهم طبعاً وبعدين انا ذهبت لبيتك وليس مكتبك بناء علي رغبة رجل كبير في السن خائف ينزل عشان كورونا وموكلي خد حقه كاملاً "..

واضاف: "2- بخصوص عبدالله السعيد انت أستلمت فلوس النادي في اتحاد الكرة فلا يعتبر صفقة لان عبدالله لم يقيد في الزمالك ولا انت قيدته واحنا منعرفش هي ( صورة فقط ) وعلي فكرة انت قدمت شكوي وبلاغ ضده وصدر قرار من النيابة العامة بحفظ شكواكم".

وأكمل: "3-  بخصوص صفقة القرن ( كهربا ) انت بنفسك بتقول انك اعارته بثلاثة ملايين دولار وخمسمائة ألف دولار في عام واحد والحكم باثنان مليون دولار واربعمائة الف يعني أقل من عام أعارة ولا تنسي انت كنت طالب من المحكمة الرياضية مبلغ تسعة ملايين يورو وبعدين انت محضرتش القضية انت كنت منسق مع المحامي الايطالي زي بالضبط منسق مع المحامي التونسي ولا الكلام ده غلط اه أسف ( انت كنت بتاخذ معلوماتك من اعلامي زي م انت قلت ) فبلاش دغدغة مشاعر جماهير الكرة .. حرام".

وأختتم: "5- وإن عدتم عدنا بمحاضر الجلسات طبعاً انت فاهم معهليش - اه بالمناسبة انا محامي لا يسعي للشهرة لاني مش محتاج الكلام ده خالص وانت عارف كده كويس بلاش - أنا - اه أخر حاجه - كيد النساء اللي انت بتقوله -  ده انا معرفوش انا بنفذ كلامي وانتظرني في فيديو في خلال 48 ساعه بس افضي لك عشان مشغول جداً بمهنتي المحاماه وأكشف لمصر كلها الحقيقة كاملة ومش هخليها ابداً أهلي وزمالك ؟ لا هخليها رجل لرجل او محامي أمام محامي مع تحياتي".