ابنة طلعت زكريا عن شائعة وفاة والدها مقتولا: كلمت المباحث
خرجت إيمي طلعت زكريا ابنة الفنانة الراحل عن صمتها، وردت على ما يتردد من أنباء بشأن وفاة والدها مقتولا.
تصريحات ايمي طلعت زكريا
وقالت إيمي طلعت زكريا خلال مداخلة هاتفية ببرنامج "مساء دي ام سي" المذاع علي قناة "دي ام سي": "لقيت فيه فيديو علي السوشيال ميديا محتواه زعم إن طلعت زكريا مات مقتول فدخلت علقت وقلت الكلام ده مش صح ومش مظبوط لقيت الأدمن بتاع الفيديو عمل ليا بلوك، فتواصلت مع مباحث الإنترنت في مديرية أمن الجيزة وحررت محضر ومشيت في الإجراءات وبالفعل الفيديو اتشال مع علي الفيس بوك".
وأضافت: "قمت بإثبات حالة فيديو ترويج شائعة وفاة والدي مقتولا، في المحضر اللى قمت بتحريره، وفوجئت بالأدمن المسئول عن الفيديو دخل علي الصفحة عندي وقاللي إن هدفه الناس تترحم علي طلعت زكريا فقلت له تترحم ازاي وانت مطلعه انه مات مقتول، دي حملة ممنهجة علي الفن والفنانين المصريين ومطلعين كل الفنانين ميتين مقتولين ده أمر لا يعقل".
انتقاد إيمي طلعت زكريا لـ أولاد حريم كريم
وكانت إيمي طلعت زكريا انتقدت صناع فيلم أولاد حريم كريم، الذي يعتبر الجزء الثاني من فيلم حريم كريم للفنان مصطفى قمر، مؤكدة أن فكرة الفيلم غير مبتكرة.
وقالت “إيمي” عبر حسابها الشخصي علي موقع “فيس بوك”: “مع احترامي وتقريري لكل صناع العمل ليه يكون عندنا العمل ناجح مصممين نقضي عليه بأجزاء ثانية بعد سنين طويلة”.
وأضافت: “خصوصًا أنه بيكون ناجح بأبطاله الأساسين اللي معظمهم مش موجود في الجزء الجديد ليه مش بنبتكر أفكار جديدة تعمل عمل ناجح وأقوى من دا مفيش حد بديل لحد”.
