تامر حسني يوجه رسالة لـ الملحنين ويعلق على الذكاء الاصطناعي: عمل اللي الفنانين مش بيعملوه مع بعض

تحدث الفنان تامر حسني عن رأيه في تقنية الذكاء الاصطناعي، في ظل انتشاره مؤخرًا، وكشف الجانبين الإيجابي والسلبي في هذه التقنية ووجه رسالة خاصة لـ الملحنين.

تصريحات تامر حسني 

ونشر تامر حسني مقطع فيديو استخدم فيه صوته من خلال طريق الذكاء الاصطناعي لغناء أغنية مش قادر لـ الفنان سامو زين، وكتب: "الجانب الجميل في الذكاء الاصطناعي إنه عمل اللي الفنانين مش بيعملوه مع بعض وقرب جماهير فنانين لبعض لما بيسمعوا أغاني مطربينهم بأصوات مطربين تانيين، ربنا يقربنا من بعض كده زي الذكاء الاصطناعي ما عمل كده من نفسه".

رسالة تامر حسني لـ الملحنين 

وأضاف:" بس أتمنى من بعض الملحنين محدش يستخدم صوت فنان في لحن منزلش وينزله هو عشان ممكن الفنان لو سمعه قبل ما ينزل يحبه ويغنيه ولما الملحن ينزله بصوت الفنان ومن وراه بيبقى أولا مش حركة احترافية والفنان أكيد هياخد موقف كبير من الملحن اللي عمل كده ومش هيتعامل معاه تاني لعدم أمانته وغير كده بيبقى لحن اتحرق ولا يمكن يتغنى".

آخر أعمال تامر حسني 

واقتحم تامر حسني شباك التذاكر من حلال فيلمه تاج، كما طرح أغنية مش هتغير قبل أسبوعين وحققت 10 ملايين مشاهدة حتى الآن على موقع الفيديوهات يوتيوب، وهى من كلمات وألحان تامر حسني وتوزيع علي فتح الله.