ماندو العدل عن فيلم البدلة: كنت خايف من الفشل.. وأكرم حسني كان مكانه هذا الفنان

تحدث المخرج ماندو العدل عن تفاصيل إخراجه فيلم البدلة بطولة كلا من تامر حسني وأكرم حسني، موضحاً أنه كان خائفا من فشل الفيلم.

تصريحات ماندو العدل 

وقال ماندو العدل خلال لقائه على راديو 9090: "أنا كنت خايف جدا من فيلم البدلة لإن دا أول فيلم كوميدي أعمله وكنت بشتغل على الدراما وقصص كلها جد مفيش كوميديا، لدرجة استغربت لما تامر حسني كلمني عشان أخرج فيلم البدلة، وقالي إنه اختارني لأني حققت نجاحا كبيرا في مسلسل لأعلى سعر ونيللي كريم جددت من جلدها في العمل دا وعشان كدا شاف إني هقدر أطلع فيلم مختلف".

وأضاف ماندو العدل: "أنا كنت خايفة لحد يوم العرض عشان دايما بشوف إن كواليس الأفلام الكوميدية بتضحك ولكن تيجي في السينما ألاقي محدش بيضحك وكنت خايف دا يحصل معايا، ولكن الحمد لله نجح، وأكرم حسني مكنش المرشح الأول للدور وكان مكانه محمد هنيدي ولكن متفقناش وغيرنا الدور بالكامل وأجزاء في السيناريو والاختيار وقع على أكرم حسني وكان نجاح لنا وله لأن فيلم البدلة كان انطلاقة حقيقية لأكرم حسني".

حقيقة خلاف نيللي كريم ومحمد رمضان 

سبق وكشف ماندو العدل حقيقة وجود خلاف بين الفنانة نيللي كريم ومحمد رمضان في فيلم ع الزيرو، موضحاً  أنه لم يسمع عن وجود أي خلاف بينهما وهذه مجرد شائعات متداولة عبر مواقع التواصل الاجتماعي.