حورية فرغلي: عندي طاقة كبيرة ومستنية حد يكلمني ويقولي مختارينك في شغل

تحدثت الفنانة حورية فرغلي عن أزمتها بعد توقف العمل، وعدم إحتياج أحد لها في الأدوار بعد مشاكلها الصحية المتكررة، لذا أعربت عن رغبتها الشديدة في العودة لعالم الفن.

عودة حورية فرغلي لـ التمثيل 

وقالت حورية فرغلي: “أنا رجعت طبيعية، معنديش ورم في جسمي الحمد لله، فكل اللي أنا بعمله دلوقتي إني قاعدة مستنية حد يكلمني ويقولي إحنا مختارينك في عمل معين، بس يتعرض عليا حاجة تخليني ماينفعش أرفضها”.

وأضافت: “عندي طاقة كبيرة أوي، وعايزة أرجع بأسرع ما يمكن للتمثيل، وحشني موقع التصوير والتعب والسهر والتمثيل قدام الكاميرا. لما بعمل دور معين واتقمص الشخصية والأدوار، أسعد أوقات حياتي، وخصوصا لما العمل ينجح كمان”.

حورية فرغلي تنضم لـ لجنة تحكيم ملكة جمال مصر 2023

كانت قد حصلت الفنانة حورية فرغلي على لقب ملكة جمال مصر عام 2002، ولكنها تنازلت عنه لـ لوصيفة نور السمري، وانضمت بعد11 عاما إلى لجنة تحكيم ملكة "جمال مصر 2023" للحفل النهائي يوم 2 سبتمبر، بفندق تريومف القطامية، برئاسة آمال رزق.

وبشأن تنازلها عن لقب ملكة جمال مصر لوصيفتها، قائلة: "لمَّا حصلت على لقب ملكة جمال مصر تنازلت عن التاج للوصيفة نور السمري لمَّا لقيتهم قالوا إني كسبت الجائزة علشان قمت برشوة لجنة التحكيم وارتباطي بوزير".

وأضافت: "لما قالوا ماشية مع ابن وزير والموضوع دخل في قصة أعراض وإني رشيت لجنة تحكيم ملكة جمال مصر قلت لأ مش عايزة الجائزة وإيه اللي يدخلني في الوَش وتشويه صورة عائلتي ليه".