في يوم ميلاده.. تفاصيل رؤية أحمد ماهر لـ النبي في المنام

يحتفل اليوم الفنان أحمد ماهر بعيد ميلاده، حيث ولد عام 1946، في منطقة بولاق أبو العلا بـ القاهرة، وحصل على بكالوريوس المعهد العالي للفنون المسرحية، وتنوعت أعماله المتميزة بين أدوار الخير والشر.

قصة رؤية أحمد ماهر للنبي -صلى الله عليه وسلم- في منامه

دخل الفنان أحمد ماهر في نوبة من البكاء، بعد حديثه عن رؤياه للرسول صلى عليه وسلم، مشيرًا إلى أن ذلك هو أفضل شعور في حياته.

وقال أحمد ماهر: "حلمت أن السماء سجدت ونزلت فوق سطح بيتنا، وأنا عمال أخطي وأدوس على النجوم وشوفت في أخر السطوح شخصية بتطلع نور قلبي كلمني وقتها وقالي ده سيدنا النبي عليه الصلاة والسلام".

تصريحات أحمد ماهر

وأضاف: "وإحنا في الحي عندنا ناس عينها مش كويسة وبتحسد ومعروفة عندنا فأنا من خوفي على حضرة النبي عليه الصلاة والسلام جريت على السور أخلع قوالب الطوب واللي يطلع أحدفه بيها عشان مفيش حد يبص على سيدنا النبي  وفجأة تنبهت على صوت أذان المغرب جيت قولت لامي قالتلي لا متحكيش لحد ولو كتمت الخبر ده هتزور النبي السنادي، فروحت المقطم".

وتابع:" قعدت احكي مع نفسي لحد أذان الفجر فنزلت لقيت واحد واقفلي بيقولي أحمد بيه أنا واقف هنا من بعد المغرب قولتله خير يا ابني قالي جايلك سفر أبو ظبي قولتله أنا عندي 4 مسلسلات، فقولت أطلب رقم كبير فطلبت فوافقوا وده كان مسلسل الهاربان فخدت طقم وسافرت لقيت رشوان توفيق هناك وهو اللي مرشحني فقالي باركلي، قولتله على ايه قالي هعمل عمرة قولتله ايدي على ايدك هعمل عمره قالي ده القنصل قالي أنت بس عشان مانعين الزيارة في السعودية".

وأختتم أحمد ماهر قائلًا: "قولتله هشتكيك لربي قالي لا خلاص تعالا فروحت  قعدت في القنصلية لقيت واحد كبير جاي يقولي كلم القنصل، فروحتله قولتله بالله عليك أنا شوفت سيدنا النبي ونفسي أزوره امضي ليا على تأشيرة أسافر أزوره وإلا هشتكيك لربنا قالي خلاص هتسافر ومضالي وروحت عملت عمره".