السيسي: سنضع على خريطة مصر في شهور قليلة حجما ضخما من الأراضي الزراعية

قال الرئيس عبد الفتاح السيسي، رئيس الجمهورية، إننا نستعد اليوم لحدثين في وقت واحد، وهو تخريج دفعة جديدة من الأكاديمية العسكرية المصرية، واستقبال دفعة جديدة من الطلبة، قائلًا: بالمتابعة مع القوات المسلحة أنا بطمئن دايمًا عليكم، وحتى من خلال الزيارة واللقاءات بيكم والحديث معكم، يزداد كل يوم تقديري للجهد المبذول والإعداد اللي بتقوم بيه الأكاديمية في فترة تعتبر مهمة جدا، ونحن كل يوم في تطوير مستمر.

السيسي مع طلاب الأكاديمية العسكرية

وأضاف السيسي خلال جولته التفقدية بالأكاديمية العسكرية، إحنا في تطور مستمر وده حال البشرية، ولم نتوقف أبدًا عن العمل، احنا في تطوير مستمر، على كل قطعة وشبر من أراضي مصر، الأزمة اللي الناس قلقانة منها، عدت علينا أزمات كتير في مصر وبالجهد والمثابرة بنعبرها، والأزمة اللي بتكلم فيها وهي الاقتصادية ونعاني منها، مكناش سبب فيها، ظروف عالم كاملة.

وتابع السيسي: اللي يهمنا، رغم الأزمة الكبيرة وارتفاع الأسعار مع الجهد اللي بنبذله، في شهور قليلة هنحط على خريطة مصر حجم ضخم من الأراضي الزراعية، بنتلكم على أكتر من 3 مليون فدان مع الريف المصري، بنتكلم في كمية ضخمة، عمل وجهد عشان تعمل إنتاج زراعي غير مسبوق في فترة زمنية مش كبيرة أوي، واستكمل، عاملين حسابنا أن فيه من 5 لـ 6 اشهر احتياطي لكل السلع بالكامل، عشان يكون عندنا فرصة نجابه أي ظرف.