بعد تجاهل رامي إمام لها.. عفاف مصطفى تطالب بـ رؤية الزعيم

أعربت الفنانة عفاف مصطفى عن رغبتها الشديدة بـ رؤية الزعيم عادل إمام، موضحة إنها حاولت رؤيته عدة مرات، إلا أن رامي إمام لم يجيب عليها.

تصريحات عفاف مصطفى 

وكتبت عفاف مصطفى عبر صفحتها على موقع التواصل الاجتماعي «فيس بوك»: «زعلانة من رامي إمام بعتاله الرساله الأخيرة دي عالوتساب ضمن العشرات قبل كده.. الرسالة الـ 15 ليك أستاذ رامي أتمنى يقراها أستاذي عادل».

وتابعت:«نفسي ورجائي أشوف الأستاذ عادل وجه لوجه لأني عارفة أني الوحيدة اللي بضحكه لما بقعد جنبه زي ما قاللي قبل كده.. وكنت دايما أكلمه تليفونيا ويضحك ويبقى سعيد لمجرد يسمع صوتي».

عفاف مصطفى تطلب ورؤية عادل إمام 

 
وأضافت:«دلوقت حضرتك يا أستاذ رامي الوحيد اللي تقدر تحسم طلبي المتكرر، سؤال أستاذ رامي هوه أنا خطر على بابا ولا حاجة ؟.. أنا لو عملت كوبي لكل رسايلي اللي بترجاك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنة مع رجائي.. الرجاء المتكرر.. ممكن تسمحلي وأنت من بيت كريم بزيارته وتبلغه قبلها ولو عندكم تحفظات أو ظروفه لا تسمح أنا مش هزعل».

واختتمت:«بس للعلم دائما اسمع بزملاء بيقولوا زورنا عادل إمام في البيت، لعلمك عندي العنوان من زمان واستطيع اعمل، هجوم مشروع، عليه لكن أنا أكبر من كده ولا أضمن رد فعلكم في زيارة بدون موعد مسبق ومنعا للحرج.. الناس بتزوره إشمعني أنا يعني.. والله نفسي أشوفه واكلمه واطمن عليه وجه لوجه وأشوف السعادة في وشه زي ما طول عمره تفرغ لإسعاد الناس».