إيناس الدغيدي: نفسي أعمل السينما اللي بحبها مش اللي الجمهور عايزها

تحدثت المخرجة إيناس الدغيدي عن سبب اختفائها الفني، والذي استمر أكثر من 14 عامًا منذ ظهورها في فيلمها الأخير مجنون أميرة، موضحة أنها تتمنى تقديم موضوعات جريئة هامة.

تصريحات إيناس الدغيدي 

وقالت إيناس الدغيدي في تصريحات تلفزيونية: "أنا بقالي فترة مبتعدة عن السينما؛ لأني كان ليا بصمة ونفسي أعمل السينما اللي بحبها مش اللي الجمهور عايزها، ونفسي أقدم الموضوعات الجريئة عن العلاقة بين الرجل والمرأة والمشاكل الاجتماعية المهمة، ولكن أنا مبحبش الأكشن ولا الكوميديا اللي بدون هدف".

أزمة إيناس الدغيدي و مصطفى هريدي

علقت إيناس الدغيدي على أزمتها مع الفنان مصطفى هريدي، قائلة:" زمان كنت بشتغل مع نجوم كبار وكان بيحصل بيننا مشاكل وعمرنا ما طلعناها برا لأن الشغل بيكون كله مشاكل، ودلوقتي مش هبص للموضوعات الصغيرة دي".

وبشأن زيارة إيناس الدغيدي لـ لبنان، قالت: "كنت بسمع حاجات مش حلوة عن لبنان ولكني لما جيت لاقيتها زي ما هي، وشعبها بيحب الحياة وعايزين يعيشوا وبيتحدوا جميع الظروف".

وكانت قد أثارت إيناس الدغيدي الجدل بـحديثها عن الفرق بين الوسط الفني حاليًا وفي الماضي، وقالت في لقاء تلفزيوني سابق: "الوسط الفني اتغير دلوقتي كتير عن زمان؛ لأن زمان الأفلام كانت حميمية أكتر حتى التعامل ما بيننا كان فيه ود ومش مادي، لكن دلوقتي المادة بقت أساسية والناس بيتشغلوا عشان الفلوس فقط ومحدش بيعمل اسمه غير بـ فضيحة رغم أننا زمان كنا بنعمل أسمائنا عادي ".