ماجدة خير الله تهاجم شريف منير: إبلع اللي في بقك
هاجمت الناقدة ماجدة خير الله بعنف الفنان شريف منير بعد الفيديو الذي نشره عبر حساباته الرسمية بموقع التواصل الاجتماعي للدفاع عن ابنته أسما شريف منير بعد تعرضها للانتقادات خلال الأيام الماضية.
تصريحات ماجدة خير الله
وكتبت ماجدة خير الله عبر حسابها الرسمي بموقع فيسبوك: "أهالينا علمونا مانتكلمش وإحنا بناكل لإن المنظر بيبقي مقرف وبعيد عن اللياقة، إبلع اللي في بقك وبعدين قول اللي إنت عايزه، مش كده ولا إيه؟".
وكان قد دافع شريف منير عبر حسابه بموقع انستجرام، وقال: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته.
وأضاف شريف منير:" تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها، بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد".
