خاص| بعد لفظها الخارج.. مدير أعمال مطربة "تيجي نتجوز": الزعيم ياما قال في أعماله.. عادي
علق حسين كسيرة مدير أعمال المطربة اللبنانية سارة الزكريا، الشهيرة بمطربة تيجي نتجوز بالسر، على حالة الجدل والانتقادات والهجوم الذي تعرضت له المطربة، بسبب حفلها الأخير بالساحل الشمالي، والذي شاركها فيه مطرب المهرجانات حسن شاكوش، واستخدمت فيه ألفاظ خارجة.
وقال كسيرة في تصريحات خاصة لـ مصر الآن: اي اللي قالته يخدش حياء الناس؟، مفيش حاجة خارجة اتقالت، كل الحكاية بتهزر مع الجمهور وبتعرفهم إنها مش هتتجوز لأن اللي هتتجوزه لو قرب منها هيخاف وهتفضحه.. دعابة يعني.
وأضاف: والشتيمة اللي قالتها وهي بتغني عن الابن الخاص بالكلب، هي مقصدتش إنسان بعينه بالكلمة لأ، دي قالت إنها معندهاش حبيب وصديق وكلب ولاحتى الابن بتاع الكلب وأظن تربية الحيوانات عند كل البشر.
واختتم: الزعيم ياما قال في مسرحياته عن الكلب وشحيبر؛ عادي ودي كلها دعابات ومزح مع الناس والجمهور، مفيش كلمات خارجة إطلاقاً، ومبنقصدش شخص بالكلب لأ هي تقصد الحيوان والفيديو واضح.
