أنغام عن عمها الراحل المطرب عماد عبد الحليم: مات مدمن وهو عنده 35 سنة

تحدثت الفنانة أنغام عن مأساة عمها الراحل المطرب عماد عبد الحليم، موضحة أنه عانى كثيرًا في حياته بسبب الإدمان، حيث أن علاج المدمنين في فترة الثمانينيات والتسعينيات كان صعبا للغاية.

تصريحات أنغام 

وقالت أنغام عن فراق عمها، خلال تصريحات تلفزيونية: "فراق عمي كان صعب، لأنه مات صغير عنده 35 سنة، وكنت عارفة إن نهاية حياته موت محتوم، ووقت وفاته في التسعينيات، مكانش في وعي كافي باستيعاب شاب مدمن، وكانوا بيتعاملوا معاه بقسوة، مش كمريض محتاج مساعدة كبيرة وطويلة، وهو كان بيطلب المساعدة وبيحاول يخف".

زيجات أنغام وسر فشلها

ولفتت: "أنا اتجوزت أكتر من مرة، وأي جوازة اتجوزتها ما كنتش غير أنغام  وعملت اللي أقدر عليه، ومش هقول أنا اللي غلطانة لكن هما ادعوا شخصيات غير اللي انتهينا بيها، وده كان سبب فشل الزواج وطلاقي".
 

أكبر درس لـ أنغام بعد الطلاق

وتابعت:"بعد كل طلاق اكتشفت إن بعطي اللي قدامي حق هو ما يستحقهوش وبحاول اكبره جنبي وده مش صح لإنه مش بيعجب وبعد كده بينقلب علي وبعترف إني ما كنتش حذرة في حاجات كتير، ومهم جدا اكون عندي حذر مع أي شخص بتعامل معاه بس خلاص مش هحب ولا اتجوز وعدم الحب قرار، ومبقاش فيا حمل أذية خالص اني اتزوج تاني".
 

قالت الفنانة أنغام: "أعطي للجانب الشخصي في الفترة الحالية 5 درجات من 10، ودايما بطلب من ربنا يشرح صدري، أنا بحب أكون أم في الأول وبعتبر نفسي شخص موهوب من عند ربنا، ومجتهدة وطموحة".