فيفي عبده: الرقص له قيمته.. مالها الرقاصة يعني؟
تحدثت الفنانة فيفي عبده عن استيائها من الإساءة للرقص الشرقي، مؤكدة أنه له قيمته.
وقالت "عبده" خلال تصريحات تلفزيونية: "الرقص الشرقي ليه القيمة بتاعته، دلوقتي أي حد عايز يتريق أو يقول كلمة بايخة أوي، يقولي إيه هتشتغلي رقاصة؟".
وأضافت: "يعني مالها الرقاصة؟ كمان الرقص الشرقي ده ليه قيمته، الأجانب كلها وفيه ناس متعلمين كبار جدا بييجوا ياخدوا دروس مني ومن نجوى وكل الناس اللي بيدربوا على الرقص الشرقي، بتتكلموا في إيه؟ أنا بتضايق أوي".
وعن إمكانية تقديمها كتاب عن سيرتها الذاتية، قالت: "لاء اللي عايزة أقوله أنا هحكيه مش أكتب وحد يحرف لا أنا عايزة أتكلم أنا أقول اللي عيشته".
يذكر أن آخر أعمال فيفي عبده، مسلسل "شغل في العالي"، الذي عرض عام 2022، من بطولة شيرين رضا، مروان يونس، وعدد من ضيوف الشرف بينهم بيومي فؤاد، ونضال الشافعي، ونجم كرة القدم ميدو، وهو من إخراج مرقس عادل وتأليف حسين مصطفى محرم.
