دي تقلع هدومها.. رباب ممتاز تشن هجوما على السبكي
تحدثت الفنانة رباب ممتاز عن كواليس موقف جمعها بـ المنتج محمد السبكي خلال مشاركتها معه في أحد الأعمال الفنية، حيث أشارت أن الأخير رفض ارتدائها ملابس محتشمة خلال أحد الأعمال، وأصر على ارتدائها ملابس كاشفة وعارية، كما أكدت أن شخصيتها في العمل لم تستدعِ ظهورها بهذا الشكل غير اللائق.
وقالت رباب ممتاز عن كواليس خلال لقاء تلفزيوني لها: "وأنا بغير في اللوكيشن دخل المنتج محمد السبكي، قال ألفاظ مش كويسة، وأنا خلاص بلبس وبيعملولي شعري، قال إيه ده دي لابسة هدوم، دي تقلع هدومها، دي تفتح كل هدومها، أنا عايز مفتوح مفتوح مفتوح، هي لابسة كده ليه دي تقلع هدومها".
وأضافت رباب ممتاز: "قُلت لأستاذ باسم في اللوكيشن أنا مبحبش الألفاظ دي، مش عايزة أسمعها في وداني، فلو سمحت أنا همشي، مع العلم إن شخصية سماح في العمل مش دورها تقلع هدومها أصلًا، لو كانت تقلع تمام، وبعدها دخل أستاذ سامح قالي رباب معلش هنعمل كده في الهدوم في مشهد السطوح بس، وفي الحارة هنظبط الهدوم شوية، أستاذ سامح وهو بيتكلم نزلت على عيني ستارة سودة".
أخر أعمال الفنانة رباب ممتاز كانت مسلسل حكاية «جروب الماميز»، الذي عرض مؤخرًا، وشارك في بطولة مسلسل جروب الماميز كل من: خالد سليم، إنتصار، رباب ممتاز، أماني كمال، نورهان، دينا فؤاد، وهو من تأليف هاني سرحان، وإخراج أحمد صالح.
