السيسي: أنتم عاوزين يكون ليكم مكان على الخريطة في بلد 95 % منها صحرا
قال الرئيس عبد الفتاح السيسي، إن هناك أبواقا تشكك في كل ما يتم إنجازه على أرض الوطن.
وأضاف السيسي خلال كلمته منذ قليل بمؤتمر حكاية وطن بالعاصمة الإدارية: أنت بس مش بتحارب إرهاب أنت عندك أبواق كذب وافتراء وشائعات شغالة تقدح في كل مسار تعمله، أنت كمان مش محل تقديرمن ناسك اللي أنت بتعمل لأجل ربنا وخاطرهم، وكمان وأنت بتعمل كدة بيتم الإساءة لك ولمسؤوليك ولأسرهم، ولكن لا بأس لأن مفيش حاجة بتروح عند ربنا كل إساءة ليها أجر، واللي هيحاسب ربنا اللي لا يغفل ولا ينام.
وتابع: إحنا نؤمن بالله وإن في يوم وإن ربنا هيحاسب، وكل تفاصيل المكر اللي اتعملت على مصر خلال 10 سنوات ماضية اللي كانت امتداد لينا حالة من عدم الثقة للإنسان المصري، وتبقى جزء من الشخصية المصرية أن تكون غير واثقة في نفسها أو بلدها.
وتابع الرئيس السيسي: مشروع قناة السويس استهدف تجميع المصريين على قلب رجل واحد، وكان الهدف منها استعادة الثقة في الناس.
وأردف: الناس مكانتش مصدقة إننا ممكن نعمل طريق وكوبري الناس استكترت طريق وكوبري، ده لسة بدري قوي من العمل والجهد والمثابرة، إذا كان البناء والتنمية والتقدم تمنه الجوع والحرمان إوعوا يا مصريين تقولوا ناكل أحسن.
واستكمل: يا جماعة أنتم عاوزين يكون ليكم مكان على الخريطة في بلد 95 % منها صحرا، وإحنا بنتكلم إن المرء ليصدق ويتحرى الصدق حتى يُكتب عند الله صديقا، وإن المرء ليكذب ويتحرى الكذب حتى يُكتب عند تالله كذابا.
