حضرتك تشربي إيه..؟

-حضرتك تشربي إيه..؟ 

- كوباية شاي.. سكر برة..

ومعاها حليب بقى  بالمَرة...

وشوية صبر على الأيام...

والغربة ولياليها المُرة.

..........

أنا بس يهِل عليا الليل....

ودماغي تقول و تعيد  ف خُطَب.

والحزن يبدع ف المواويل...

يرقص ويغني تقولش خَطَب ؟

وتلاقي الهم أبو دم تقيل.. 

قاعد على شطي يمص قصب

والشوق جايب وياه الويل..

ماهي أصل النار كات ناقصة حطب.

..................

كوباية شاي سكر برة...

مش لازم صبر على الأيام...

إكسر ورا حزنك ١٠٠ جَرة ...

لو حتى العين مش قادرة تنام

إختارت طريق يبقى تكمل...

ولَّا شطارتك كات بس كلام.

وأهو لو مش قادر تتحمل..

فات وقت خلاص الاستسلام