ناهد السباعي: أنا مؤمنة بالحسد وبتواصل مع ربنا بطريقة خاصة.. وأخويا وحشني
أوضحت الفنانة ناهد السباعي، أنها تصدق الحسد، وتدافع عن نفسها من خلال وِردها اليومي والصلاة والأذكار، وتتحدث إلى الله بطريقتها الخاصة.
تصريحات ناهد السباعي
وقالت ناهد السباعي، خلال استضافتها في برنامج Vip: "أنا طبعًا مؤمنة بالحسد، وطالما بنعمل حاجات مُعنية إن شاء الله مفيش حاجة ومفيش حد يقدر يضر حد غير بإذن ربنا، والناس لو حاولت يكون عندها عادات الصبح وأول الليل بتعملها إن شاء الله ميكونش في حاجة".
وأكدت أنها تواظب على الأذكار لتحصين نفسها قائلة: "أنا مبحبش اتكلم في الحاجات دي وبحس إن الناس هتتريق عليا، ولكن أنا مواظبة على الأذكار اللي هي آية الكرسي وخواتيم صورة البقرة والمعوذتين وصورة الإخلاص، الصبح وبالليل، وبصلي وبكلم ربنا، وبحس إن الواحد لو كلم ربنا بـ أسلوبه أحسن ما يقرأ كلام من أدعية بنشوفها، بتكون طريقة الخشوع بتاعتنا أحسن من أن نقرأ دعاء حلو أوي ولكن مش فاهمين كلام كتير فيه".
ناهد السباعي في Vip
وأضافت السباعي: "طلبت من ربنا كل اللي أنا فيه دلوقتي، أن نفسي أمثل وأنجح وأعمل أفلام تعيش وأهلي يبقوا فخورين بيا، ويحفظلي أهلي"
ويرحم اللي توفوا.
https://fb.watch/jsAwAM0sez/?mibextid=cCeA5f
ووجهت ناهد السباعي رسالة حزينة لشقيقها الأكبر المتوفي، قائلة: "مفتقده جدًا إحساس أني أشوفه أخويا تاني أنا مفتقداه، ومفتقدا تشجيعه ليا في شغلي وأي تجمعات عائلية".
وكشفت ناهد السباعي عن صلة الرحم التي تجمع عائلة فريد شوقي: "إحنا كـ آل فريد شوقي بنحب نتجمع ونتقابل وعندنا صلة رحم كبيرة، أنا كنت الدلوعة بتاعة أخويا، إلى حد كبير أنا فقدت أب تاني، وأخويا وحشني وبقوله في حاجات كتير حصلت كان نفسي تكون معانا، وحاجات وحشة حصلت كنا محتاجينك معانا".
https://fb.watch/jsBt0mjtl6/?mibextid=1YhcI9R
