قالي انتو اللي بوظتوا الفن..
ميس حمدان: خالد يوسف هزقني لما رفضت مشاهد ساخنة في فيلم ويجا
كشفت الفنانة ميس حمدان، تفاصيل ترشيحها لبطولة فيلم ويجا للمخرج خالد يوسف، بدلًا من الفنانة دوللي شاهين، موضحة أنه وقع خلاف كبير بينها وبين خالد يوسف بعد رفضها تقديم مشاهد القبلات بالفيلم.
حقيقة خلاف ميس حمدان مع خالد يوسف
وقالت حمدان، خلال حوارها مع الإعلامية أميرة بدر في برنامجها VIP المذاع عبر شاشة قناة “هي”: "خالد يوسف زمان كان في موقف حصل هو حمقي شوية في ردود أفعاله، هو كان عايزني في الدور بتاع دوللي شاهين في فيلم ويجا، ورحت المكتب بتاعه وكان في هاني سلامة".
وأضافت: “وكان بيقنعني بالدور وأنا ساعتها كان عندي تمسك فظيع إني مش هقدر أمثل مشاهد القبلات والمشاهد الساخنة في الفيلم، وكان بيقولي إنتي كده مش فنانة وبطلوا الطريقة دي، وأنتو اللي بوظتوا الفن، وزمان الفنانين مكانوا بيفكروا بالطريقة دي وكانوا محترمين برضو، وهو ليه وجهة نظر وتحترم، وأنا حسيت إني بتحط في زاوية قولتله طيب إديني فرصة أروح البيت أسأل ماما وأنا مكنش عندي الجرأة أعمل المشاهد دي، واعتذرت وقلتله أنا مش هقدر أعمل الدور ده، وزعل وهزقني وقالي بما معناه اللي زيي اللي بوظ الشغلانة”.
وتابعت: “الصحافة عرفت والخبر انتشر وأنا كمان قلت إني كنت هعمل الفيلم، وخالد يوسف كلمني وإداني على دماغي وقالي بما معناه إنتي عايزة تربطي اسمك بيا وتشهري نفسك، ومتجبيش اسمي تاني على لسانك ومتتكلميش عليا خالص، وخدت الكلام وسكت”.
وردت ميس حمدان، على سؤال الإعلامية أميرة بدر، عن محاولة الفنانة هاني سلامة، إقناعها بالمشاركة في فيلم ويجا، قائلة: “أكيد هاني سلامة حاول يقنعني مش فيلمه وهو اللي بيعمل المشاهد دي؟ وهاني من الفنانيين اللطاف جدًا وبجد نسمة”.
برنامج “vip” يعرض يوميا خلال شهر رمضان على شاشة قناة "هي" وتقديم الإعلامية أميرة بدر، وذلك في تمام الساعة السابعة مساءً، ويستضيف البرنامج عددًا من نجوم الفن والرياضة.
موضوعات متعلقة
