طليق زوجة حسن شاكوش: أهلها أجبروني أطلقها وريم مينفعش تتجوز
كشف أحمد طليق زوجة حسن شاكوش، تفاصيل قصته مع ريم طارق طليقته السابقة والزوجة الحالية لـ مغني المهرجانات حسن شاكوش.
وقال طليق زوجة حسن شاكوش، ببرنامج تفاصيل تقديم الإعلامية نهال طايل: اتفرض عليا الطلاق ومكنتش عايز أطلقها، وطلقتها وخدت حقوقها الكاملة، وأنا مرفوع عليا قضايا في المحاكم وخدت كل حقوقها.
وفجر أحمد طليق ريم طارق، مفاجأة من العيار الثقيل بخصوص طليقته زوجة مغني المهرجانات حسن شاكوش.
وأوضح: الصدمة اللي اتفاجئت بيها إنها تتجوز تاني، وهي عندها تعب صحي يمنعها من الزواج، وده ظهر بعد شهرين من زواجي منها، وأهلها كلموني عشان تتطلق.
وأوضح طليق ريم طارق: أنا مقصرتش معاها، وقولت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.
تابع: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها.
استكمل طليق زوجة شاكوش على قناة صدى البلد: لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.
وعن صحة تعديه عليها بالضرب أثناء زواجه لها، أوضح: أنا مكنتش بضربها ومضربتهاش علقة موت، وعمري ما ممديت ايدي عليها، وكل مشكلة كنت بشتكي لوالدها.
وعن سبب الطلاق الذي وقع بينهما، فقال: كان فيه ظروف معينة للطلاق ولما حصل مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير اني عايز اعيش في استقرار.
وحول القضايا المرفوعة عليه من ريم طارق، قال: مرفوع عليا قضايا منقولات وايصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها.
