نهال عنبر: لازم الصحافة تحترم مشاعر أهالي الفنانين بالجنازات

كشفت الفنانة نهال عنبر، رأيها في تغطية جنازات الفنانين خاصة بعد الجدل الذي أثير خلال الفترة الماضية بعد الصورة المتداولة فى جنازة الفنان الراحل مصطفى درويش.

وقالت عنبر خلال مداخلة فيديو في برنامج “مساء dmc” المذاع عبر شاشة “dmc” وتقدمه الإعلامية إيمان الحصري: “لازم نحترم مشاعر الأهل اللي فقدوا حد فجأة وأعصابهم تعبانة، والأصدقاء اللي فقدوا حد غالي عليهم، ميبقاش عندهم طاقة للتجاوب مع الصحافة”.

وأضافت: “أنا دايما أقول أن الصحافة لما بتغطي الجنازة ده تكريم للفنان دي حاجة كويسة، لكن في لحظات مينفعش الصحافة أو الكاميرات تدخل فيها، زي لحظة دخول المدفن أو لحظة الشيل من الصندوق، ودي دين كمان مش بس مشاعر”.

وتابعت: “لما بلاقي كاميرا دخلت في اللحظات دي أهل الميت بيعملوا ثورة عارمة وده حقهم لأن دي مشاهد مش لطيفة أبدا أن الجسم يبان بالقماش طبعا مش كل الصحفيين بيعملوا كده”.

واختتمت: “للأسف لما جينا في جنازة الأستاذ مصطفى درويش نقولهم على الشركة قالوا إحنا اتفقنا على كل حاجة فمرضيناش نضايقهم، بس الشركة دي بتنظم كل حاجة إحنا عملنا عقد معاهم أن من أصغر فنان لأكبر فنان ينطم جنازته”.