شقيقة سعاد حسني لـ"مصر الآن": نادية يسري بتحاول تطلع بسبوبة.. ومفيش تطورات بقضية السندريلا

يبدو أن الحديث عن قضية مقتل الفنانة سعاد حسني، سيعود من جديد، بعد مرور 22 عامًا على رحيلها؛ حيث أعادت نادية يسري فتح ملف القضية من جديد، وأنها ستكشف مفاجآت جديدة لأول مرة.

شقيقتها تهاجم نادية يسري

وردت جنجاه شقيقة الراحلة سعاد حسني، على حديث نادية يسري، وقالت خلال تصريحات خاصة عبر مصر الآن: متدوش كلامها أهمية، هي بتعمل كدة عشان تكسب فلوس وتطلع بالبرامج.

وأضافت: هي مصممة تكتب انتحار مش مقتل، لأن القضية لما اتفتحت تاني هما استدعوها كمتهمة في القضية، فمش هتقول على نفسها متهمة، كمان لو في تطورات جديدة في التحقيقات لازم هيكلموني الأول مش هيكلموا حد غير أسرة المجني عليه.

بداية القصة:

بدأت القصة عندما كتبت نادية يسري، صديقة الراحلة خلال حسابها الرسمي على موقع التواصل الإجتماعي فيس بوك: "أنا هنزل شوية من أوراق تحقيقات سكتولند يارد  في انتحار سعاد حسني علشان الناس اللي بتقول ماحققوش وقفلوا على الموضوع وعملوا سيناريوهات طبعا كله عشان يتاجروا بموتها".

وأضافت نادية يسري: "هنزل كمان رسائل سعاد حسني اللي عمري ما وريتها لحد بخط إيدها وهي بتعبر عن وجعها وتعبها ونفسيتها ومشاكلها المالية وهجاوب على شوية الأسئلة اللي بتتكرر من 22 سنة، والشيخ الشعراوي رحمة الله عليه ببشر المظلومين وقال لا يموت ظلوم في الكون حتى ينتقم الله منه".

وتابعت نادية منشورها، قائلة:" أنا متأكدة إن ربنا الحق العادل ها يكرمني ويجبلي حقي منهم ومن كل واحد ظلمني وافترى عليا، حسبي الله ونعم الوكيل فيكم، بس خلاص قربت تخلص خالص إن شاء الله".

رحيل السندريلا:

ورحلت سعاد حسني عن عالمنا عام 2001 في لندن، واتهمت جانجاه شقيقة الراحلة، نادية يسري بقتلها، ولكن الأخيرة أنكرت تلك الاتهامات مؤكدة أن سعاد انتحرت عن عمد.