شمس أقنعتها ترجع مصر.. حسن يوسف يفجر مفاجأة عن مقتل سعاد حسني

كشف الفنان حسن يوسف عن مفاجأة في قضية مقتل السندريلا سعاد حسني، ورجح أنها قُتلت ولم تنتحر لأنه كان يزورها قبل وفاتها وزوجتة أقنعتها بالرجوع إلى مصر مرة أخرى، وذلك على هامش حفل تكريمه في قصر السينما.

وقال حسن يوسف: “سعاد حسني أعتقد اتقتلت منتحرتش لأن المنتحر بيكون جنبه دم، بس هى اللى قتلها إداها حقنة وقفت قلبها قبل ما يحدفها من البلكونة، وقلبها كنت عندها في لندن أنا وشمس وكانت خاسه جدًا وعندها العصب السابع وشمس أقنعتها بالرجوع لمصر وكانت خلاص بتستعد عشان ترجع”.

حسن يوسف يكشف مفاجأة عن مقتل سعاد حسني:

وأصاف حسن يوسف: “سعاد كان دمها زي الشربات وكانت بتيجي التصوير معاها ملوخية وكانت بتعتبرني زى أخوها وتكلمني الساعة 2 بالليل تقولي صلاح كريم جوزها هيموتها وكنت بروحلها على طول، وهى موهبة كبيرة وزعلت عليها قوي وزي ما قالت فاتن حمامة إن السينما قدامها كتير عشان تجيب واحدة زى سعاد حسني تاني رغم ظهور بنات كتير بعدها”.