أحمد العوضي: المحبين مفيش بينهم كرامة وياسمين عبدالعزيز مبتعرفش تطبخ محشي

حلّ الفنان أحمد العوضي، ضيفا في برنامج صاحبة السعادة المذاع عبر شاشة قناة DMC، والذي تقدمه الفنانة إسعاد يونس.

أحمد العوضي والزواج

وأكد الفنان أحمد العوضي أنه في بداية زواجه كان يتصرف بعصبية، موضحًا:" في أول الجواز كنت عصبي جدًا وكنت واخد الموضوع كله إني هفرض سيطرتي، ومع الوقت فهمت أن الموضوع شركة ومش عيب إن الراجل ياخد الرأي الصح".

وأضاف أحمد العوضي: “أي زواج وعلاقة ناجحة تعتمد على السرية بين الطرفين، وفي الأول ممكن تحصل مشكلة وتحكوا لحد، وممكن تبقى عايز تصالح، ومفيش كرامة بين المحبين، الكرامة ديه تأتي بسبب تدخل بعض الأفراد في العلاقة، وأنا وياسمين في 4 سنين تكيفنا مع بعض”.

أحمد العوضي: ياسمين مبتطبخش إلا مكرونة

كما تحدث أحمد العوضي، عن الأكلات التي يحب تناولها من يد زوجته ياسمين عبدالعزيز، وقال:"مبتطبخش إلا مكرونة وبانية أو مكرونة بشاميل وبتاكل سوشي".

واختتم: “انا مباكلش غير لحمة وكبدة، عشان التمرين والرياضة، ومباكلش محاشي خالص، ولا يمكن أكل سوشي، معرفش بياكلوه ازاي”.