عمرو مصطفى: "افتكرلك إيه" هتنزل بصوت أم كلثوم بعد تصالحي مع الورثة

كشف الفنان عمرو مصطفى، عن استخدامه تقنية الذكاء الاصطناعي لإعادة إحياء أصوات الفنانين، وأعلن الصلح مع أسرة أم كلثوم، من أجل الإرتقاء بالمستوى العام للفن.

تصريحات عمرو مصطفى 

وقال عمرو مصطفى خلال لقائه مع برنامج ET بالعربي:" أنا شايف أن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية".

مشروع إحياء التراث

وأضاف عمرو مصطفى:" مش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية".

وأكد الفنان عمرو مصطفى أنه سيعيد الفن للفنانين بدلًا من المنتجين، قائلًا:" دلوقتي اللي مسؤول عن الفن المنتجين، ولكن زمان اللي كان مسؤول عن الفن الفنان زي عبد الحليم حافظ ومحمد عبد الوهاب الله يرحمهم، ودلوقتي لما الفن راح للتجار اتدمر، ولازم الفن يرجع تاني للفنانين وأنا اللي هرجعه".

أغنية افتكرلك إيه 

وأكد عمرو مصطفى، أنه سيصدر أغنية افتكرلك إيه بصوت كوكب الشرق، قائلًا: "أغنية افتكرلك إيه هتنزل كاملة بصوت أم كلثوم بعد ما اتصالحت مع الورثة، وإحنا سايبين الجمهور يحكم، وهاخد كل كلام الجمهور وهروح بيه لأسرة أم كلثوم وأقولهم ده حكم الجمهور لو تمام هتنزل الأغنية".

وأشار عمرو مصطفى، إلى أنه ليس ضد أغاني المهرجانات، موضحًا:" أنا منتقدتش مطربين المهرجانات هما اللي أخدوا ألحاني، وإحنا ضد الفساد اللي بيقدموه داخل المهرجانات مش ضد المهرجانات".