نزار الفارس لـ "مصر الآن": معرضتش رشوة على مساعد حورية فرغلي.. وقفلت باب موضوعي معاها
فتحت الفنانة حورية فرغلي، النار على الإعلامي العراقي "نزار الفارس"، وذلك خلال لقائها مع الإعلامية ريهام سعيد، ببرنامج صبايا الشمس، مؤكدة أنه عرض على مساعدها رشوة من أجل الترويج لأنباء خطبتهما.
نزار ردّ على أقاويل حورية، خلال تصريحات خاصة لـ “مصر الآن”، وقال:" حورية بتقول كلام كذب، محصلش أي حاجة من دي، ومعرضتش فلوس على حد".
وأضاف: “بالنسبة لاتخاذي إجراءات قانونية ضد كلامها الكاذب عني الغير صحيح، أنا مش هلجأ لكدا، لكن أنا قررت أقفل باب موضوعي معاها للأبد”.
تصريحات حورية فرغلي
وكانت حورية قد أكدت: ممثل فشل لو كان بيمثل إنه بيحبني، ولما اتقابلنا مكنش معجب بيا خالص، وطول الوقت ماسك تليفونه، وبيبص فيه ومشغول وكإني مش قاعدة معاه".
وأضافت: "نزار الفارس سألني بيقول ليه انتي بتحبي ماجد المهندس، فقلت له أيوة بسمع أغانيه، فقال لي هسمعك أجدد أغانيه، وشغل الأغنية وفيه واحد كان ماسك تليفون من بعيد وهو بيصور، وبعدين طلب مني ممكن الرقصة دي، فقمت والله العظيم اتفاجئت وراسه عند كتفي، فأنا ضحكت غصب عني ومكنش قصدي فقلت له: ده انت قصير أوي".
وتابعت: "عرفت بعد كدة، وهما بيسألوه لو انت مش بتحبها ليه اتقدمت لها؟! فقال لهم علشان بجبر بخاطرها والكلمة دي وجعتني أوي".
حقيقة طلب نزار الفارس الزواج من حورية فرغلي
وأكدت حورية فرغلي: "مقاليش إنه عايز يتقدم لي ويتجوزني، ولكن أنا شُفته في البلكونة بيكتب رسالة إنه هيقول في البرنامج: أنا هقول إني عايز اتجوز حورية فرغلي على الهواء فقلت له إيه ده؟!، والموضوع كان هزار وضحك، وقلت أكيد بيعمل حاجة تنور الحلقة وتضحك الناس".
