تامر عاشور: أنا مرتبط حالياً وحياتي الخاصة خط أحمر

أكد المطرب تامر عاشور أنه لم يرتبط بممثلة بعد حضوره لعيد ميلادها، وذلك خلال لقائه اليوم ببرنامج حبر سري مع المذيعة أسما إبراهيم.

وقال تامر عاشور: أنا مش بحضر أعياد ميلاد، ومفيش أي علاقة عاطفية، ومعنديش قابلية أحضر أعياد ميلاد، وعمري ما ارتبطت بأي ممثلة، وأنا مش بحب أتواجد في أعياد الميلاد والأفراح، والشغل وأني أنجح بيخليني إنسان سعيد، وانا مرتبط وحياتي خط احمر.

تصريحات تامر عاشور في حبر سري

وفي الحلقة نفسها، كشف تامر عاشور حقيقة المشكلة التي حدثت بينه وبين اثنين من المطربين بسبب أغنية، فقال: حصل أن كان فيه اتنين مطربين بيتخانقوا على لحن أغنية أنا عامله، ومدتهاش لدا ولا لدا وغنيتها أنا، ومخسرتهمش ولا حصلت خناقة بعديها.

وعن تكرار تجارب انفصاله، قال عاشور: أنا بعتبر حياتي الشخصية خط أحمر، وطرح حاجة زي كدا للجمهور بيخلق كلام مش مفيد للفنان، وأنا مش هفضل أنفي كل كلام يتقال وأنا حياتي ظاهرة جدا للناس وهي حياة فنية بحتة من أول ما طلعت لغاية دلوقتي.. ودلوقتي أنا مرتبط.