تامر عاشور عن تصريحات عمرو مصطفى: مينفعش تقول كدة لمجرد مشكلتك مع شخص
فتح الفنان تامر عاشور، النار على الفنان عمرو مصطفى، بعد تصريحاته التي تحدث خلالها عن عدم وجود أسماء ناجحة في عالم الغناء بالوسط الفني.
تامر عاشور يهاجم عمرو مصطفى
تامر عاشور، أعرب عن غضبه خلال لقائه مع الإعلامية أسما إبراهيم ببرنامج "حبر سري" المذاع عبر قناة القاهرة والناس قائلًا: "مينفعش عمرو مصطفى يقول كل اللي عملوا أغاني قبل كده وبعد كده مش ناجحين، في حين إن في ناس كتيرة ناجحة"، مضيفًا: "مش شرط يقول كلام عني شخصيا، لكن مينفعش تقول كل اللي في بلدك مش ناجحين لمجرد إن ليك مشكلة مع شخص واحد".
وردا على سؤال هل لعمرو مصطفى الحق في انتقاده، قال تامر عاشور: "ينتقدني زي ما هو عايز، وفي الآخر الجمهور موجود، لكن مفيش حد ممكن يذوق النجاح إلا من على جيتار عمرو مصطفى دي بدعة، ومينفعش أنصب نفسي إله الفن، واللي مش هيشتغل معايا وقع"، متوقعًا تعثر مشروع عمرو مصطفى لإحياء أصوات المطربين الراحلين، باستخدام تقنية الذكاء الاصطناعي، بداية بأم كلثوم، وأغنية "أفتكرلك إيه"، التي تعاون فيها مؤخرا مع المطربة مي فاروق.
واختتم عاشور: "مي فاروق صوتها لوحده حكاية ومش محتاجة أي ذكاء، وأم كلثوم كانت موجودة وربنا افتكرها" ،واستأنف: "من وجهة نظري تجربة أم كلثوم بالذكاء الاصطناعي ولا هتنجح ولا هتشوف نور، لإن الجمهور عارف وحاسس إنها مش أم كلثوم".
