سعد الصغير لـ"مصر الآن": بوسي متعرفش ربنا.. وأنا اللي كنت بجيب لأبوها العلاج

هاجمت المطربة بوسي زميلها الفنان سعد الصغير، وكشفت الأسباب الحقيقة التي أدت لحدوث قطيعة بينهما، مؤكدة عدم مطالبتها له بأي تدخلات في حياتها.

وقالت بوسي خلال لقاء مع الإعلامية أسماء إبراهيم: أنا قاطعت الفنان سعد الصغير لإنه اتدخل في موضوع أبويا الله يرحمه، ودي حاجة مش من حقه أبداً إنه يتدخل فيها".

سعد الصغير: بوسي قليلة الأصل

وعلق الصغير خلال تصريحات خاصة عبر "مصر الآن": بوسي خدت الشقة اللي أنا جددت عفشها لأبوها قبل ما يموت، ومدفعتليش ولا مليم.

وأضاف: الشقة في الأول كانت بايظة لكن أنا اشتريتلها حنفيات وأنتريه وأوضة نوم وتلاجة وسفرة وغسالة، بمبلغ 200 ألف جنيه، وفجأة طمعت فيهم وخدتهم.

وتابع:  وحرمت أخواتها من الشقة، واستغاثوا بيا والآخر قالت إنها دفعتلي حق العفش وأنا مخدتش مليم، يا بوسي أنتٍ ست جعانة وأنا راجل شبعان.

وأردف: الكدابة طلعت عند بسمة وهبة تقول إنها زارت أبوها ودفعتله فلوس، وكت عارف إنها كدابة، أبوها كان بيتصل يعيطلي ويطلب مني العلاج واشتريتهوله لو كنت بتاع ترندات كت طلعت اتكلمت وكدبتها، دي متعرفش ربنا.