فيفي عبده: الحسد مدمرني.. ومحمد رمضان معرفش ليه ربنا رازقه!
حرصت الفنانة فيفي عبده، على التعليق على نجاح الفنانين، حيث تحدثت عن الفنانة شيرين عبد الوهاب، والفنان محمد رمضان، وذكرت رأيها في هجوم الجمهور عليهما.
تصريحات فيفي عبده عن شيرين عبد الوهاب
وقالت فيفي عبده: "شيرين عبد الوهاب المصرية الجدعة الجميلة، كونها بتقع فـ ده عشان إحنا بشر، والناس مش لازم الناس تلوم الفنان، لأنه بني أدم ومن حقه يغلط ويهزر، لأنه لازم يكون طبيعي".
وأضافت: "الممثل مش هيقعد زي تمثال الشمع، لازم نكون طبيعيين، هي أكيد مش قصدها تغلط، وهي لذيذة ودمها شربات".
فيفي عبده عن حب الجمهور لـ محمد رمضان
وتحدثت فيفي عبده، عن محمد رمضان، وحب الجمهور له، قائلة: "محمد رمضان مهما تقولوا له، هو ربنا بيحبه ورازقه، مش عارفة ليه رازقه، بس منقدرش نقول ليه".
وأضافت:" هو ربنا مديله نجاح ورزق وحب من الناس، أكيد عمل حاجة جميلة لأمه وأهله عشان كدة ربنا بيديله كل اللي هو في دلوقتي".
فيفي عبده عن الحسد
وتابعت فيفي عبده حديثها، مشيرةً إلى أنها تخاف من الحسد، قائلةً: "مش بنزعج من التعليقات السلبية وبتعامل بطبيعية، وبخاف من الحسد طبعا وبيدمرني، أنا محبوبة جدا بس عايزة الناس ترحمني من الحسد شوية".
آخر أعمال فيفي عبده
يعد أخر عمل شاركت به فيفي عبده هو مسلسل شغل في العالي، في موسم رمضان 2022، وضم العمل عدد من الفنانين، أبرزهم الفنانة شيري رضا، بسمة داود، توني ماهر، محمد رضوان، مروان يونس، وآخرين، ومن إخراج مرقس عادل
