هندية: الفن فيه مخاطر كتير.. واعتزلت لهذا السبب
حلت الفنانة المعتزلة هندية، ضيفة مع الإعلامية إنجي هشام مقدمة برنامج المنسي، عبر قناة هي، عن رأيها في عودة الفنانة حلا شيحه للتمثيل مرة أخرى بعد اعتزالها الفن.
تصريحات الفنانة هندية
وقالت هندية:" حلا شيحه في حالة تخبط وانا لما اتجوزت ايمن السويدي قالولي حد يسيب ايمن السويدي بعربياته بجماله رغم أن أنا كمان كان عندي واسمي كان زي الطبل بس مكنش فارق معايا كل الكلام ده".
وأضاقت:"كل واحد حاسس بمشكلته بوجعه، مقدرش احكم عليها واقول ليه قلعت أو لبست كل واحد حاسس بوجعه هوا الله اعلم حالتها النفسية إيه مقدرش اقولك".
سبب اعتزال هندية الفن
كشفت هندية سبب اعتزالها الفن، قائلة: "أستاذ وحيد حامد لما عرف قالي إنتي مجنونة حد يعمل اللي إنتي بتقوليه ده، قلتله أخويا توفي قدام عيني، فرد قائلا: كلنا هنموت".
وأضافت: “الصدمة كانت أكبر مني وقلت ممكن أموت في لحظة أنا كمان، وأستاذ وحيد حامد اتصل بيا عشان أنزل أروح فرح دينا وقالي بلاش عبط وأول ما قابلوني قالولي إيه ده مكنتش قادرة أبررلهم”.
وتحدثت هندية عن الفترة التي قضتها في الاعتزال قائلة: “قعدت في البيت ١٢ سنة معظم وقتي صلاة وعبادة، عملت ١١ عمرة غير الحج وتسبيح وقراءة قرآن، وكنت في وسط أخواتي وبعد ما اعتزلت ولاد اخواتي قالولي عاوزين ندخل الفن قاتلهم انتوا كنتوا رافضين أنا ادخل وقلتلهم ستوب لان الفن في مخاطر كتير جدا”.
