بيومي فؤاد عن تعرضه لوعكة صحية: أنا مريض بحب الشغل وربنا يكفيني شر قعدة البيت

كشف الفنان بيومي فؤاد، تفاصيل أزمته مع الشركة المنتجة لـ فيلم وقفة رجالة، وعن موقفه من مقارنة الناس بالفنان الراحل حسن حسني، وتفاصيل أزمته الصحية التي تعرض لها.

تصريحات بيومي فؤاد 

ورد بيومي فؤاد على مقارنته بالفنان الراحل حسن حسني، خلال تصريحات تليفزيونية، قائلا:" كل الناس اللي بتقول إن بيومي فؤاد امتداد حسن حسني، أو خليفة حسن حسني، يمكن وجه التشابه الوحيد بيني وبينه هو اننا بنحب الشغل أوي، لكن أنا مين عشان أوصل للأستاذ الكبير حسن حسني؟ الراجل ده كان الله أكبر عليه".

أزمة بيومي فؤاد مع الشركة المنتجة المنتجة لـ فيلم وقفة رجالة

كشف بيومي فؤاد تفاصيل أزمته مع الشركة المنتجة لـ فيلم وقفة رجالة، حيث قال: "فيلم وقفة رجالة نزل في وقت وحش جدا، والدعاية مكنتش أحسن حاجة، وأنا عملت فضايح مع شركة الإنتاج، ولو الفيلم جاب 70 مليون، لو اهتميت بيه شوية كان جاب 120 مليون، ومكنتش بطلب حاجة لنفسي، أنا بطلب للفيلم".

فيلم وقفة رجالة
ويعد الفيلم من بطولة الفنان ماجد الكدواني، بيومي فؤاد، سيد رجب، شريف الدسوقي، أمينة خليل، محمد سلام، محمد أوتاكا، وهو من تاليف هيثم دبور، وإخراج احمد الجندي، وعرض العمل عام 2021 وحقق نجاحًا كبيرًا.

أزمة بيومي فؤاد الصحية

كما كشف الفنان بيومي فؤاد، عن معاناته  من أزمة صحية في القدم والضهر لذا قرر الابتعاد عن العمل لفترة، موضحاً:" أنا مريض بحب الشغل، وربنا يكفيني شر قعدة البيت".

وأضاف بيومي فؤاد:" ومن وجهة نظري الشغل مبيتعبش ولكن عندي مشكلة في رجلي وضهري، ولذلك هاخد إجازة طويلة شوية هسافر بره لإجراء بعض الفحوصات والتحاليل والإشاعات وربنا يسهل".