مخدتش فلوس.. الإنفلونسر فرح هريدي تهاجم تامر حسني: طلعوني كومبارس في فيلمه دون علمي

نشرت الإنفلونسر فرح هريدي، فيديو لها فجرت خلاله مفاجأة بشأن فيلم تاج لـ تامر حسني، الذي يعرض في السينمات حاليًا بالتزامن مع عيد الأضحى المبارك، مؤكدة أنها تم استغلالها للظهور في الفيلم دون أجر، وحتى دون علمها.

فرح هايدي تهاجم تامر حسني 

وقالت هريدي خلال مقطع فيديو عبر حسابها على فيسبوك:" أنا طلعت كومبارس في فيلم تامر حسني الجديد بس محدش قال لي، واللي حصل أن القائمين على الفيلم كلموني وقالوا لي إن تامر حسني بيعمل فيلم جديد وعايز يعمل معايا ومع كذا انفلونسر محتوى مقابل إننا هنعمل معاه فيديوهات على حساباتنا بمواقع التواصل الاجتماعي".

وأضافت: "قالوا لي مفيش فلوس هو يوم بالحب وتامر نفسه مش هياخد فلوس على اليوم دا، وقالوا هيكون فيه 15 شخص بس ومع الأسف كل دا كان أي كلام، ولقيت ناس كتير وكنت أنا وباقي الانفلونسرز واقفين في النص ووقفونا وبدأوا يصوروا واتضايقنا وقولنا عادي هنخلص عشان نبدأ بعدها نصور الفيديوهات الخاصة بينا".

وتابعت: "قعدنا ساعتين في التصوير ولقينا فجأة تامر حسني وقالوا لنا يلا اتصوروا معاه بسرعة عشان نمشي وكل واحد اتصور صورة واحدة، وأنا مكنتش عارفة إني هطلع في الفيلم ومخدتش جنيه وكلنا مكناش راضين عن اللي بيحصل".

فيلم تاج

ويضم فيلم تاج العديد من الفنانين، أبرزهم: ساندي، هالة فاخر، دينا الشربيني، عمرو عبد الجليل، ومن تأليف تامر حسني، وإخراج سارة وفيق.