محمد رمضان: مش هعتزل في المستقبل ومبحبش جنون العظمة

تحدث الفنان محمد رمضان عن العديد من تفاصيل حياته الشخصية، وعلاقته بزوجته وأولاده، موضحاً أنهما الثنائي المثالي، وكذلك تحدث عن إمكانية اعتزاله التمثيل في المستقبل.

تصريحات محمد رمضان 

وقال محمد رمضان: "أنا وزوجتي الكابل المثالي وبيننا تفاهم وأنا بالنسبة لها زوج صالح، وأديها في تربية أولادي والأناقة والاهتمام الدرجة النهائية".

وأضاف محمد رمضان:" أنا تفوقت على جميع النجوم في الحفلات ومش هعتزل الفن في المستقبل، رغم إني مريت بـ أزمات في مشواري وفيه حاجات ندمت عليها في مشواري وفي حياتي الشخصية بس اتعلمت منها، واتعلمت كيفية إدارة الأزمات، وعمري ما رفضت أشتغل مع فنان محدد رغم إن فنانة قديرة قالت إنها متقبلش تجسد دور والدتي في عمل فني".

بداية الفنان محمد رمضان 

وتحدث محمد رمضان عن بداياته الفنية، قائلا: "أول مرة مثلت كان عمري 14 سنة، وقولت إني نجم لما عمر الشريف قال إني هكمل مسيرته، وأمي هي اللي وقفت بجانبي في مشواري، وأتمنى ربنا يقدرني وأقدر اسعدها وتفضل فخورة بيا".

وتابع محمد رمضان: عمري ما كان عندي مشكلة مع فنان؛ لإننا كلنا في مهنة واحدة وفي احترام وزمالة، ومش هعتزل الفن، وهرد الجميل لأخويا وهو مدير أعمالي.

واستكمل محمد رمضان حديثه، قائلا: "أنا مش مطرب عشان أقيم المطربين لكن محمد منير هو ملك الغناء، ولو كنت فنان زمان هشتغل مع زبيدة ثروت وممكن أشتغل مع نيللي كريم وياسمين صبري ودينا الشربيني وأمينة خليل نفسي أشتغل معاهم".

وأضاف: "كنزي بنتي بتقولي يا كتكوت ومش لايق عليا، بس هي تعمل اللي عايزاه وعلي بيقولي يا بابا عادي وزوجتي بتقول لي محمد، ليه يقولوا لي الأسطورة هو أنا بعذبهم؟".

وأردف محمد رمضان: "الطموح زي العمر بيكبر ومن البداية مكنتش أتوقع اللي هكون فيه النهارده، كما أن السيرة  الذاتية لـ محمد فوزي وأحمد زكي توقفوا، وطبعًا فكرت وكنا اشتغلنا على الفكرة ولكن توقفوا".

وأردف محمد رمضان: "مافيا ممكن يغنيها أي واحد في الدنيا والجمهور بيغنيها بنفسه، فكرة الألقاب بتدل على نوع الأغاني بتاعتي بتدي طاقة للناس تسمعها".