فيفي عبده عن تعرضها لوعكة صحية: معمول ليا عمل ما اتحركش من السرير

تحدثت الفنانة فيفي عبده، عن تفاصيل تعرضها لأزمة صحية، وخضوعها لعملية جراحية، موضحة أن ما يحدث معها بسبب عمل الدجل والشعوذة، والذي جعلها تلتزم الفراش.

تصريحات فيفي عبده 

وقالت فيفي عبده في لقاء مع إي تي بالعربي: "وأنا داخلة أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة".

مرض فيفي عبده 

وأضافت فيفي عبده:" أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام".

فيفي عبده: الحسد زاد عن حده

طالبت الفنانة فيفي عبده الرحمة، موضحة أن الحسد زاد عن حده معها، وذلك بعد تعرضها مؤخرًا لوعكة صحية وخضوعها عملية جراحية.

وقالت فيفي عبده في لقاء مع إي تي بالعربي:" لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه".

فيفي عبده تتعرض لوعكة صحية 

وأضافت فيفي عبده:" دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري، ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم".