عمرو مصطفى يهاجم تامر عاشور: هحذفله أغانيه ومش عايزه يغنيلي

تحدث الفنان عمرو مصطفى عن أزمته التي أثارها مؤخرا، مع الفنان تامر عاشور، موضحا: "مشكلتي انتهت مع تامر عاشور بعد لما كتب منشور أقر فيه بأنه حصل على لحن مني دون علمي والمطلوب كتابة اسمي كملحن على الأغنية أو يتم حذفها من على يوتيوب خالص لإن هي كده كده هتتشال وأنا أهدافي أدبية مش مادية".

تصريحات عمرو مصطفى 

وأضاف خلال مداخلة هاتفية ببرنامج "90 دقيقة" المذاع علي قناة "المحور": "لو تامر عاشور كتب أن الأغنية من ألحاني هحذفله الأغنية من علي يوتيوب لإن أنا مش عايزه يغنيلي".

وتابع:"أنا باحث عن حقوق المؤلفين والملحنين اللي بيتنازلوا عنها لبعض شركات الإنتاج علشان هما وأولادهم ميمدوش ايديهم لأي حد".
 
وأكمل عمرو مصطفى: "عايزين الناس الغلابة الموجودة في الموسيقى نرتقى بيهم ونعملهم حياة كريمة، وانا مش بلحن في مصر بس انا بلحن في العالم كله وانا مش مغرور بس انا هتواضع مع أي حد ولا هعطي فرصة لحد يسرقني تاني".
 

في وقت سابق، رد الفنان عمرو مصطفى، على هجوم المطرب تامر عاشور عليه، قائلًا: "يا تامر فيه أغنية عملتها لمصطفى صندل التركي وأنت أخدتها وعملت الأغنية دي وأخدت اللحن والتوزيع الموسيقي ونزلت وكتبت عليها اسم ملحن تاني وأنت المفروض جوا الصناعة، الصناعة اللي بقى كل اللي بينتجوا أغاني بيسرقوا الأغاني والألحان".

سرقة أغاني عمرو مصطفى

وتابع خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "لسه فيه أغنيتين خدهم مطربين مهرجانات وسرقوهم هل دا مش معناه إن الصناعة اتدمرت".

وأضاف: "تامر عاشور هل وجود المهرجانات وصورتنا برة مصر وصورة أم كلثوم وعبد الحليم حافظ حاجة كويسة وترضيك ولا لأ".