دعاء صادم.. عبير صبري تكشف عن أقسى تعليق وصلها من متابعة
فتحت الفنانة عبير صبري، قلبها خلال برنامج تفاعلكم، متحدثة عن العديد من الجوانب في حياتها الفنية والشخصية ومنها علاقتها بزوجها ورأيها في خلع الحجاب وتعرضها للحسد، وذلك خلال استضافتها في برنامج تفاعلكم على قناة العربية.
تصريحات عبير صبري
أبرز تصريحات عبير صبري في برنامج تفاعلكم
- أهم دور قدمته حتى الآن هو مسلسل جميلة.
- بعرف من اللي بيحصلي إني اتحسدت وبيحصلي مشاكل.
- مفيش أخطاء لأن أي خطأ بتعلم منه.
- عندي في حياتي حاجات ندمت عليها ومش هكررها ومش هقول زي إيه.
- كنت بزعل أو أخاف أجاوب ودلوقتي بواجه وبقول إنها كانت خطوة سعيدة بيها وزعلت لما قلعت الحجاب وفي يوم من الأيام ربنا يكتبهولي تاني مبقيتش أخاف اقول رأيي الحقيقة.
- أؤمن بالصداقة بين الراجل والمرأة.
- أنا وزوجي مش عايشين في نفس البلد مع بعض؛ لأني مصرية وهو فلسطيني وعنده مكتب محاماة في دبي وبنتقابل في أوقات إجازته وإجازتي.
- نفسي أمثل مع آل باتشينو حلم من الأحلام ويمكن يتحقق بالجنة وأشتغل جدًا مع المخرج داود عبد السيد
- إذا الشخص كان غير مؤثر الناس مش بتاخد بالها منه ولكن إذا ترك أثر بفنه أو بآرائه أو بثقافته فهو مهم
- لم أمارس المحاماة واكتفيت إن زوجي يكون هو اللي محامي واتخرجت ودخلت فنون مسرحية
- اتعلمت من تجربة تقديم البرامج إني قابلت ناس كتير وسرعة البديهة
- أقسى تعليق جالي لما واحدة كتبتلي يارب تموتي وتتقطع إيديكي ورجليكي ويجيلك ويحصلك في كومنت واحد فرديت عليها بدعوة ولك مثل ما دعوتي وديمًا الكومنتات القاسية واللي فيها جحود قلب أو عدم أخلاق برد عليها ديمًا
- أنا مش حاصرة نفسي في حاجة وبعمل أدوار مختلفة ومتنوعة وحلوة ومؤثرة وكل دور بعمله الناس بتحبه وبتتكلم عنه وبلعب دراما وكوميدي وكل حاجة
- فيه صور فيها فوتوشوب عندي وتعديلات وأنا مبعترضش عليها وفيه صوربنزلها بدون ميك أب أبدًا
- معنديش فنان أو فنانة مش هكرر تجربتي معاه
- زعلت ومصر كلها زعلت كأن أصالة مش عايزة تقول مصر مقدمتلهاش حاجة ولا زودت شهرتها
- معنديش عيوب مع جوزي هو متعود إني حنينة وهادية طول الوقت وبستوعبه ولو حصل إن الـ Volt يعلى سنه هو بيتصدم
- معملتش أي عملية تجميل وشكلي زي ما هو من يوم ما بدأت تمثيل
- مش بتصنف إني ممثلة إغراء؛ لأن النوعية دي من الأدوار مبقيتش موجودة ولكن أنا ممثلة موهوبة وكل واحد بيتباهى بما لديه وأنا بتباهى بموهبتي
