بعد خسارة القمة.. ياسمين عز: الفرعون الزملكاوي محتاج معاملة خاصة
تحدثت الإعلامية ياسمين عز، عن خسارة فريق الزمالك أمام نادي الأهلي بأربعة أهداف مقابل هدف، مدافعة عن حارس فريق الزمالك محمد صبحي، والذي تعرض لانتقادات لاذعة بسبب أدائه في المباراة.
تصريحات ياسمين عز
وقالت ياسمين عز: «مينفعش يبقى بقالنا يومين الهجوم كله على لاعب واحد، وهو محمد صبحي، هذا الرجل بقاله يومين عايش حالة نفسية بسبب انتقادات الجمهور أكيد صعبة».
وأضافت «عز»: «هذا اللاعب الصغير في السن والكبير في الإمكانيات، اشتري نادي الزمالك وجمهوره، في وقت كان قريب من الانتقال لنادي تاني، وكان سبب في فوز الزمالك بماتشات كتير هذا الموسم، ومحستوش بسببه برحيل أبوجبل عن الفريق، ما يصحش عشان مكنش موفق في ماتش أو اتنين يتهاجم بالشكل ده».
وقالت "عز": الفراعين الأهلاوية طبعا مبسوطين، ومداماتهم اللي بيطلبوه بيلاقوه، ومش محتاجين نصائح مني فكل الأمور مستنية ومستقرة".
ياسمين عز عن الزمالك
وأضافت:" الزمالكاوي الله يكون في عونه، الراجل شايل فوق طاقته، ومحتاج معاملة خاصة في الظروف اللي زي دي".
وتابعت: "يا مدام فرعونك الزملكاوي منذ بداية الموسم عنده أزمة ثقة كبيرة جدا في أقرب الناس إليه، وخانته ثقته في كل أحبابه، وهذا ناتج عن إن لاعبين من فريقه تركوه وانضموا لفرق منافسة، لهذا بلاش تقفي له على الواحدة، وانتي عارفة أن ما يحدث فترة وهتعدي لأنه سكاكين في ظهره من كل جانب.وأكملت: "حاولي تقللي جرعة النكد هذه الأيام، أي حاجة تحسي إنها يمكن أن تنكد عليه اكتميها جواكي، إلى أن يتحسن موده وبلاش الفترة دي طلبات مبالغ فيها"
نصيحة ياسمين عز للسيدات
وأضافت: «يعني اللي فاكره شاريه بيبيعه، وخانته ثقته في كل أحبابه، ده ناتج عن إن لاعيبة مهمة في فرقته سابته وراحت للفرق المنافسة، عشان كده في الوقت ده بلاش توقفي له على الواحدة».
وتابعت «عز»: «يعني مثلا تقولي له نازلة مشوار يقولك لأ قوليله حاضر، إنت عارفة جوزك وأد إيه هو بيحبك، هي فترة وهتعدي، في سكاكين في ضهره من كل حتة».
وأكملت: «هو بيهرب حاليا من فتح أي مواقع للتواصل الاجتماعي بسبب التحفيل، عشان كده هتلاقي نادرًا ما هيمسك تليفونه في الوقت ده، وهتلاقيه بيقضي معاك أطول وقت ممكن، حاولي تنتهزي الفرصة».
واستطردت: «إحنا دلوقتي في فترة انتقالات وفي لاعيبة عقودها بتخلص ولاعيبة بتجدد عقودها، هو عنده مشكلة في كلمة عقود، أي حاجة فيها كلمة عقد بلاش تقوليها قدامه».
