عمرو أديب يسخر من رئيس الوزراء: مش عارف الفرق بين اليومين والشهرين

قال الإعلامي عمرو أديب: "رئيس الوزراء قال الأسبوع الجاي الكهرباء مش هتقطع وبعدين طلع تاني قال قدامنا أغسطس وسبتمبر كده مكملين قطع، يومين غير شهرين".

عمرو أديب يسخر من مدبولي

وأضاف خلال برنامج "الحكاية" المذاع على قناة "أم بي سي مصر": "لما يطلع رئيس الوزراء يوم الخميس اللي فات ويقولك قدامنا كده على قطع الكهرباء لأغسطس وسبتمبر، طيب الفرق بين يومين وشهرين ايه؟ انا مش معترض إن الكهربا بتتقطع لسبب أو اَخر اهي ظروف، ولكن فين التخطيط؟ فين الرؤية؟ فين المعلومة؟ رئيس وزراء مصر مش عارف الفرق بين الأسبوع الجاي وكمان شهرين".

ولفت: "من ساعتين قالوا اغسطس هو الأسوأ وهيبقى صعب والسيناريو الأسوأ نصف ستبمبر انا مش معترض، ولكن المصريين وصلوا لمرحلة إن فيه مشكلة في الكهرباء بس قولنا امتى هيتقطع ونهاية الانقطاع امتى، فيه شعب أعظم من كده".
 

وأشار: "اتقالنا أغرب حاجة درجة حرارة أعلى من 35 درجة الكهربا هتقطع طيب وهي أي محطة في الدنيا فوق الـ35 درجة بيخففوا أحمال، والكل حمل المسئولية لرئيس الوزراء وشال الشيلة، احنا بنتكلم انك عندك أزمة كهربا قرب شهرين، سؤال ليه؟ يقولك ما هو ضغ الغاز لأ مش ضغط الغاز انت معندكش وقود مفيش مازوت".

وأكد في تصريحات تليفزيونية المتحدث بإسم مجلس الوزراء السفير نادر سعد: "اسوأ سيناريو لأزمة انقطاعات الكهرباء حتى منتصف سبتمبر حيث يستمر الضغط على الغاز والوقود الموجه لمحطات الكهرباء لذلك ستمتد عمليات تخفيف الأحمال، معقبًا: "الأصعب في انقطاعات الكهرباء ستكون في أغسطس المقبل وكلما تحسين الظروف المناخية وتراجعت درجات الحرارة ستتحسن الأمور.