عمرو أديب يعلن توقف برنامجه مؤقتا لهذا السبب

أعلن الإعلامي عمرو أديب، توقف برنامجه “الحكاية” المذاع علي قناة “mbc مصر”، بدءًا من 1 أغسطس المقبل ولمدة شهر.

إجازة عمرو أديب السنوية

ولفت عمرو أديب:"بقالي 25 سنة شغال في الإعلام وأي محطة بشتغل فيها بحط بند في العقد إني أخد إجازة في السنة في شهر اغسطس وده شرط في العقد".

شرط عمرو أديب لقطع الإجازة

وتابع:"انا السنة دي زي الـ25 سنة اللي فاتت هطلع إجازة علشان محدش يقول من الجماعة اللي انتوا عارفينهم عمرو أديب هرب ومش عارف ايه، لو ليا عمر هرجع لحضراتكم تاني، ولو فيه أي حاجة هقطع الإجازة وارجع تاني.

وأكمل: "مش هرجع للشاشة إلا إذا بلدي مش عايزاني أو المحطة مش عايزاني وقتها خلاص هروح البحر بقى بس، انما لحد دلوقتي البلد شايفاني مقبول والقناة شايفاني كويس".

في وقت سابق، قال الإعلامي عمرو أديب: "حكومة الدكتور مصطفى مدبولي الحالية من اسوأ الحكومة حظا، سيئة الحظ وتواجه كوارث ومصائب، بسبب الظروف التي تواجهها بداية من جائحة كورونا ثم الازمة الاقتصادية العالمية ثم الحرب الروسية الأوكرانية ثم موجة حارة لم يشهدها العالم منذ 1200 سنة ينتج عنها أزمة انقطاع الكهرباء".
 

ولفت خلال برنامج “الحكاية” المذاع علي قناة “ام بي سي مصر”: "اعتقد ان السادة في مجلس الوزراء غدا أو بعد غدا سيكون لديهم صورة كاملة لما سيحدث في الأيام المقبلة بشأن الكهرباء".

وتابع: "مفيش سر انت هتخبى علينا ايه افيدونا يرحمكم الله لإن بيان القابضة للكهرباء مش واضح أوي، على فكرة فيه بلاد الكهرباء قاطعة فيها والدنيا مضلمة مثلا في دولة مثل مالطا".