خالد الفايد يثير الجدل من جديد: اللي بيلبسوا عيالهم حجاب وهما صغيرين بيطلعوا معقدين

حالة من الجدل أثارها خالد الفايد نجم ذا فويس كيدز، خلال الساعات الأخيرة بعد منشور له عن حجاب الفتيات في سن الطفولة؛ عبر حسابه الشخصي بموقع التواصل الاجتماعي فيسبوك.

وكتب خالد الفايد: من 5 دقايق بالظبط لقيت بنت صغيرة عندها حوالي 3 أو 4 سنين.. للأسف واقفة وأبوها ملبسها حجاب مغطيها من فوقها لتحتها والبنت فاقدة للبسمة وجمال الطفولة.

وأضاف: هم أحرار يعملوا اللي عايزينه محدش يقدر يفرض عليهم حاجة، بس والله منظر البنت متعب نفسيا، بدل ما ياخدها يوديها الملاهي ويخرجها ويضحكها ويلعب معاها ملبسها حجاب من فوقها لتحتها والبنت واقفة باصة في الأرض.

واختم: هو لابس بنطلون وقميص وعايش حياته ومنكد على البنوتة الصغيرة وبيستغربوا ليه بناتهم بيطلعوا معقدين نفسيا ومشوهين فكريا؟.. ربنا معاكي يا بنتي والله.

لاقى منشور الفايد حالة من الغضب بين صفوف متابعيه، ما جعله يحذف بعض التعليقات ويصفهم بكلمة "إرهابيين".