محمد صبحي يثير الجدل: السوشيال ميديا مجزرة لفظية والتليفون عطلنا عن الصلاة

ألقى الفنان محمد صبحي كلمته خلال حفل توقيع كتاب الأستاذ.. سيرة ومسيرة له، على هامش معرض الساقية للكتاب في دورته الثالثة عشرة، المقامة في ساقية الصاوي.

تصريحات محمد صبحي

وقال محمد صبحي خلال حفل توقيع كتابه: "احنا عملنا بلوك لأجمل ما فينا، التليفون عطلنا عن الصلاة وأصبحت السوشيال ميديا مجزرة لفظية وقتلا معنويا، وبتروج لأطفالنا كارتون يعلمهم المثلية والإلحاد والتدريب على بيع الوطن، وتحس إن أهلك هما بتوع السوشيال ميديا، إيه القتل ده؟ والألفاظ اللي بيستخدموها دي".

توقيع كتاب محمد صبحي

وأضاف محمد صبحي: "الشعب المصري عظيم في مواقفه، إنما يتقال على الشعب الياباني إنه شعب عظيم عشان خاطر حاجة واحدة بس هي العمل".

وتابع: "وسط الكتب دي كلها هتلاقي نسبة بسيطة جدا اشترت الكتاب، وعلى أيامنا كان الأسعار غير كده وكنا بنقول احنا في مصيبة وجهل؛ لأن فيه مليون كتاب بيتطبع ومش هلحقه، وكل ما تقرأ اعرف إنك جاهل، الفن أنتم عنصر أساسي فيه، حاربوا ومتضحكوش".

وكشف الفنان محمد صبحي العديد من الأسرار حول مشواره الفني، حيث قال:" إحنا لا نتعامل مع الثقافة والفن على إنهم بيبنوا إنسان، والتنمية المستدامة لا فيه إعلام بيشرحها ولا معلم بيشرحها، هي الناس هتفهم إزاي التنمية المستدامة".

حفل توقيع كتاب محمد صبحي 

أضاف محمد صبحي: "التنمية المستدامة مرتكزة على أسس واللي عملها الدول الكبرى عشان تبقى عظمى، وأول خطواتها هي الطفل اللي عنده 4 سنوات، وإحنا أحفادنا وأولادنا للأسف مبقوش شيء عظيم، ده جيل يا هيبني أمة يا هيهدمها، لو في أب وأم مش متربيين أصلا هيربوا أولادهم إزاي، وفي الآخر بنجيبها في الدولة، إحنا عندنا أزمة في تعداد السكان وكلما زاد السكان كانت نقمة".

واستكمل محمد صبحي:" اللي بيتقال عليه فنان بيقدم دعارة فنية بيوريك لما تقتل وتبقى بلطجي هتبقى بطل، أنت لو شوفته هتبقى بتعمل زيه، أم طه حسين كانت أمية ولكن كان عندها ثقافة فنية، إحنا فقدنا نقائنا وبقى عندنا غلظة في كل شيء".

وتابع محمد صبحي حديثه قائلا:" لما كنا بنقرأ كتاب وأنا راجل عديت على كل العقود وأنا عندي 4 سنين وعيت على عصر الملك، إحنا تخلينا عن أجمل ما فينا، إوعوا تصدقوا إن شعب مصر عظيم، إحنا كنا شعب عظيم، وكانت ريادة مصر في الفن والثقافة".