نجل شقيق العندليب لـ "مصر الآن": لو كان عايش مستحيل يلبس زي محمد رمضان

أثار الفنان شريف خير الله، حالة من الجدل؛ بعدما تحدث أمس عن موهبة الفنان محمد رمضان، موضحا أن العندليب الراحل عبدالحليم حافظ، إذا كان على قيد الحياة، حتما سيرتدي مثله.

ورداً على التصريحات، أكد محمد شبانة نجل شقيق العندليب، في تصريحات خاصة عبر “مصر الآن”: هي وجهة نظره وهو حر؛ لكن كلامه غلط.

وأضاف: لو كان عايش كان هيواكب العصر لكن بذوقه هو، مكنش هيلبس زي حد، كمان حليم كان هو اللي ييجر الكل وراه مش العكس، حليم له شخصيته وذوقه وفكره وتصرفه.

واختتم: “مش هيواكب تطور العصر على طريقة حد، لكن هيعمل اللي يليق بشخصيته وبأسلوبه وفكره”.

تصريحات شريف خير الله

وقال شريف خير الله ببرنامج تفاصيل الذي تقدمه الإعلامية نهال طايل والمذاع عبر قناة صدى البلد 2: محمد رمضان ربنا صارف له قبول كبير بصرف النظر عن كلام الناس عنه.. أنا كان ليا عتاب على محمد رمضان على بعض الحاجات اللي بيعملها، لكن ده ملوش دعوة بشخصيته كفنان.

وتابع، أنه انتقد محمد رمضان في موقف معين، ولكنه تسائل عن سبب عداء البعض له، لافتا «لو عبد الحليم عايش لحد النهاردة ممكن يعمل أغنية بإيقاع محمد رمضان أو يلبس زي لبسه، لأن ده عصره».

وأضاف شريف خير الله: «عبد الحليم حافظ إتهاجم زمان وأي شخص أكيد الناس تنتقده».